Gola falta izan zaio Real Unioni

Getafen galdu du talde txuribeltzak

FUTBOLA
GETAFE B 1-0 REAL UNION
GETAFE B: Olmedo; Edu Paya, Robin, Carbonell, Vigaray; Alex Felip, Carbonell, (Héctor 55’), Pere Milla (Hugo 65’), Buendía (Ayina 80’), Ivi; Mikel Orbegozo.
REAL UNION: Otermin; Urkizu, Seguin, Esnaola, Aimar; Rodellar, Mujika, Romo, Galan (Alonso 75’); Juan Dominguez, Silas 68’), Ozkoidi (Goikoetxea 76’).
GOLAK: 1-0: Emi Buendia (36’).
EPAILEA: Sánchez Laso (Extremadura).

Etxetik kanpo, Real Unionek ez ditu emaitzak lagun. Partida ona eginda ere, punturik gabe itzuli dira gaur txuribeltzak Getafetik. Otermin atezainaren akats batek filial urdinaren gola eragin du lehen zatian. Bigarrenean irundarrek aukera ugari izan dituzte, baina ez dute markagailua berdintzea lortu. Ondorioz, zortzi punturekin jarraitzen du Unionek, sailkapenaren behealdean.

Aurkari zaila zuela jakinda, kokapena, presioa eta esperientzia baliatu nahi izan ditu Real Unionek. Bere aukeraren zain, atsedenaldiaren atarira iritsi da Aitor Zulaikaren taldea. Baina Oterminen oker bakar batek zeharo aldatu du partida. Atezainaren irteera txarra baliatu eta gola sartu du Emi Buendiak. Amorruak hartuta, gogor jo du Unionek etxekoen atearen bila, epaileak aldagelarako bidea erakutsi duen arte.

Lehen zatiaren amaierako bidea jarraitu dute irundarrek bigarrenean. Gol aukerak iristen hasi dira, baina ez Galanek, ezta Ozkoidik ere ez dute gola lortu. Eneko Romok langara bidali du baloia beranduago (70'). Getafek atzera egin behar izan du Unionen erasoari eusteko. Azken minutuetan behin eta berriro saiatu dira txuribeltzak madrildarren atezaina gainditzen. Hala ere, sendo aritu dira etxekoak defentsan, partidaren amaierarekin hiru puntuak lortu dituzten arte.

 

Argazkia: elgoldemadriz.com

SAILKAPENA:

1	BARAKALDO C.F.	16
2	GETAFE C.F. S.A.D. "B"	14
3	GUADALAJARA C.F.	13
4	ATHLETIC CLUB "B"	12
5	LAS PALMAS S.A.D. "B"	12
6	SESTAO RIVER C.	12
7	AMOREBIETA S.D.	11
8	HUESCA S.D.	11
9	FUENLABRADA S.A.D.	11
10	ATLETICO DE MADRID S.A.D. "B"	10
11	TUDELANO C.D.	9
12	TOLEDO S.A.D.	9
13	S.D. LEIOA	9
14	REAL SOCIEDAD S.A.D. "B"	8
15	REAL UNION CLUB	8
16	RAYO VALLECANO SAD "B"	7
17	CONQUENSE U.B.	6
18	REAL MADRID CASTILLA F.C.	6
19	TRIVAL VALDERAS C.F.	5
20	UD SOCUÉLLAMOS CF	5