Hasiera bikaina izan du Stade Hendaiak

ERRUGBIA

STADE HENDAIA 26-19 FLEURANCE

Joan den urteko abenturaren ondoren, Fédérale 2 ligara itzuli da Stade Hendaia. Ondo abiatu da gainera Daniel Larretxearen taldea. Indarra eman dion garaipena lortu du lehen jardunaldian, Fleuranceren kontra. 800 zale inguru bildu ziren igandean Ondarraitzen, hendaiarren lehen partida zuzenean ikusteko. Hasiera zirraragarria eskaini zuen taldeak, eta bi entsegu lortu zituen ordu erdia betetzerako. Hortik aurrera, nagusi izan zen Hendaia lehen zatian. 17-6ko markagailuarekin hartu zuten jokalariek aldagelarako bidea.

Bigarren zatian gora egin zuen etxekoen akats kopuruak, eta ondo baliatu zituen Fleurancek aldea murrizteko. Joko sinple bezain eraginkorrari esker, markagailuan hurbiltzea lortu zuten kanpokoek. Hendaiak bukaerara arte sufritu behar izan zuen, baina lehen lau puntuak eskuratu zituen. Aramits hartuko du Hendaiak bigarren jardunaldian. Ondarraitzen izango da partida berriro, igandean 15:30etan.

SAILKAPENA:

1	ENT RUGBY MIELAN MIRANDE RABASTENS	4
1	ST PAUL SPORTS RUGBY	4
1	U S ARGELESIENNE	4
1	STADE HENDAYAIS	4
1	ST MEDARD EN JALLES R C	4
6	A S FLEURANTINE	1
6	F C LOURDES XV HAUTES PYRENEES	1
8	U S NAFARROA	0
8	U S MORLANAISE RUGBY	0
8	ENTENTE ARAMITS ASASP	0

ffr.fr

stadehendayaisrugby.fr