ARRAUNA
Txapelketarik gabe gelditu
da aurten Hondarribiko Ama Guadalupekoa. Gipuzkoakoan Orio izan zuen aurretik
joan den astean. Euskadikoan eta Espainiakoan, Urdaibai izan da jaun eta jabe.
Ostegunean Lekeition bizkaitarrei aurre egiteko gai izan zen Hondarribia,
baina bigarren postuarekin konformatu behar izan zuen, Bou Bizkaiaren erritmo
biziaren aurrean. Sei segundo galdu zituzten berdeek urdinekiko. Baina atzean
utzi zituzten gainontzeko aurkariak.
Asteburuan Castron jokatu
duten Espainiako Txapelketan aldiz, traineru onenengandik urrun izan da
Hondarribia. Larunbateko sailkapen estropadan huts egin zuten Orbañanosen
mutilek. Txanda eta kalea kontran izan zituen, baina bere mailatik urrun egon
zen Ama Guadalupekoa. Igandean gutxieneko helburua bete eta txanda irabazi du
Hondarribiak. Baina Txapelketa eskuratzeko lehiatik kanpo gelditu da. Datorren
asteburuan San Miguel Liga itzuliko da, Galizian jokatuko diren azken bi
estropadekin. Lidertza mantentzen ahaleginduko da Hondarribia horietan.
Entzun Hondarribia Arraun Elkarteko Edorta Kanpandegiren
balorazioa:
No hay comentarios:
Publicar un comentario