Bosniako
bi jokalari fitxatu ditu elkarte irundarrak
ESKUBALOIA
Uda gorabeheratsua izan du orain
arte Bidasoa-Irunek. Hala ere, behin Ohorezko B Mailan jokatuko duela jakinda,
taldea osatzen hasi da. Pedja Dejanovic bosniarra joan den astean iritsi zen. 31
urteko atezaina da Dejanovic. Asteburu honetan, beste bi jokalari fitxatu ditu
Bidasoak.
Horietako bat, taldeko bigarren bosniarra
izango da da. Amer Zildzic hain zuzen ere, lehen lerroko jokalaria. Zentral edo
lateral postuan aritu daiteke. Beste fitxaketa, Pedro Fuentes pibotea da. Ciudad
Realen dagoen Manzanares herrikoa da Fuentes, 27 urte ditu eta esperientzia
handia, Puente Genil, Naturhouse La Rioja edo Toledo taldeetan.
Beste pibote batekin akordioa istear
dago gainera Bidasoa. Alex Aguilar da, 23 urteko baionarra. Bordeleko
Girondins-en aritu da azken denboraldian, Frantziako Bigarren Mailan.
Bidasoarekin entrenatzen ari da, baina momentuz ez du kontratua sinatu. Taldea
utziko duena, aldiz, Asier Aranburu izango da. Azken urteotan kapitain izan
denak, sare sozialen bidez jakinarazi du ez duela Artalekun jokatzen
jarraituko.
Azkuek
brontzea lortu du Europako Txapelketan
Jon Azkue Bidasoako jokalariak
brontzezko domina eskuratu du junior mailako Europako Txapelketan. Espainiako
selekzioarekin aritu da oriotarra, eta 29-27 irabazi zion atzo bere taldeak
Danimarkari, hirugarren eta laugarren posturako lehian. Jokalari onenaren saria
jaso zuen zentralak partida horretan. Atsedena hartu ahal izango du hurrengo
egunotan Azkuek Bidasoarekin entrenatzen hasi aurretik.
PEDRO FUENTES (elcorreo.com)
PEDJA DEJANOVIC (scsport.ba)
AMER ZILDZIC (eurohandball.com)
No hay comentarios:
Publicar un comentario