Bigarren bandera eskuratu du Hondarribiak

Ama Guadalupekoak ezin izan du lortutako lidertza mantendu

ARRAUNA

Ligako bigarren bandera irabazi zuen atzo Hondarribia Arraun Elkarteak Pasai San Pedron. Eguraldiak eta estropada eremuaren baldintzek ohorezko txandan aritu ziren traineruei egin zien mesede. Eta horien artean, berdeak izan ziren nagusi. Lehenengo ziabogarako estropadaren burua hartu zuen Ama Guadalupekoak, eta abantaila mantendu zuen gainontzeko bost luzeetan ere. Kaikuk mehatxu egin zion hurbiletik, baina hiru segundo galdu zituen azkenean helmugan. Oriok hirugarren denbora onena egitea lortu zuen, Caborekin lehia estua izan zuen arren. “La Caixa” bandera irabazteaz gain, San Miguel Ligako lidertza lortu zuen Hondarribiak.

Etxean suspertu da Orio

Gaur Oria ibaian jokatu da estropada, erlojupeko modalitatean. Atzo enbatak kalte egin baldin bazion, gaur aldeko izan ditu baldintzak Urdaibaik. Denborarik onena egin du lehenengo txandan, eta ohorezkoan ez dute bermeotarren marka gainditu. Orio hurbil egon da, baina bigarren postuarekin konformatu behar izan du azkenean. Hondarribia hirugarren sartu den arren, ligako lehen tokia galdu du berriro. Oriok lidertza berreskuratu du etxean. Puntu bat dago, hala ere, bi onenen artean. Datorren asteburuan Bizkaia aldera egingo du TKE San Miguel Ligak. Getxon eta Zierbenan jokatuko dituzte estropadak.

SAILKAPEN OROKORRA:

1	ORIO BABYAUTO	74
2	HONDARRIBIA ORSA	73
3	KAIKU AMBILAMP	59
4	TIRÁN PEREIRA	43
5	SAN JUAN IBERDROLA	43
6	CABO	42
7	ZIERBENA BAHÍAS BIZKAIA	38
8	PORTUGALETE EULEN	37
9	ASTILLERO	30
10	SAN PEDRO ECOLMARE	30
11	PEDREÑA	6
12	URDAIBAI AVIA	-25