Puntu bat eskuratu du Real Unionek Barakaldon

Hamar jokalarirekin aritu dira irundarrak berrogei minutuz

FUTBOLA

BARAKALDO 0-0 REAL UNION

BARAKALDO: Serantes, Expósito (Coque, 60’), Alberto, Odei, Neira, Cesar, Aguiar (Quintanilla, 26’), Arriaga, Orbegozo (Etxaniz, 73’), Rubio, Goti.

REAL UNION: Otermin, Piette, Azkoiti, Valín, Seguin, Rodellar, Eneko Romo  (Morcillo, 57’) Yeray, Vega (Hugo, 57’), Abaroa (Saizar, 74’), Goikoetxea.

EPAILEA: Sanchez Aparicio (Katalunia)

Balio handia izan dezakeen puntua bildu du gaur Real Unionek. Husna egin du Lasesarren, ia bigarren zati osoan zehar hamar jokalarirekin aritu ondoren. Neurketa ona osatu dute txuribeltzek, eta irabazteko abaguneak izan dizute. Baina 49.minutuan Iker Seguinek bigarren txartel gorria ikusi duenetik aurrera, porrota ere hurbil izan du Real Unionek. Baldintza horietan, kalterik txikiena jasan du Sergio Franciscoren taldeak. Hala ere, txuribeltzek ez daukate erlaxatzeko aukerarik. Igandean Getafe Bk irabazten badu, promozio postuan gelditu daiteke Union.

Ondo hasi da gaur txuriz aritu den taldea. Lehenengo zatian zehar, Barakaldo mendean edukitzera iritsi da Real Union, eta gol aukera argiak izan ditu. 20. minutuan zutoinera bidali du baloia Goikoetxeak. Ordu erdia bete aurretik Oscar Vega izan da saiakera egin duena, baina langan jo du baloiak. 34.minutuan txartel horia erakutsi dio epaileak Seguini. Gerora garrantzitsua izango zen erabaki hori. Orokorrean, lehenengo zati berdindua izan da, zelai erdian lehiatua batez ere.

Bigarrenaren hasieran, eibartarrak bigarren txartela jaso eta aldagelarako bidea hartu behar izan du. Hamar jokalarirekin utzi du taldea, eta partida maldan gora jarri zaio Real Unioni. 60.minututik aurrera, Barakaldoren eraso etengabeak hasi dira. Hala ere, defentsaren eta Xabier Oterminen lan finari esker, gola ekiditea lortu dute irundarrek. Berdinketa mantentzeko lanean ari zela, hiru puntuak eskuratzeko aukera ezin hobea izan du Unionek. Baina Serantesek jaurtiketa gelditu dio Goikoetxeari. Landutako puntua lortu du azkenean Irungo taldeak.   

realunionclub.com

SAILKAPENA

1	CD Leganés	62
2	Sestao River Club	62
3	UD Las Palmas Atlético	60
4	CD Toledo	59
5	Athletic Club B	59
6	SD Huesca	56
7	CF Fuenlabrada	55
8	Barakaldo CF	53
9	SD Amorebieta	51
10	UB Conquense	50
11	Real Madrid CF C	49
12	Real Sociedad de Fútbol B	47
13	CD Tudelano	43
14	Real Unión Club	41
15	Club Atlético de Madrid B	41
16	Getafe CF B	38
17	CD Laudio FSR	36
18	CD Puerta Bonita	32
19	CD Sariñena	19
20	Peña Sport FC	18

futbolme.com