Larunbateko
garaipenari jarraipena ematea izango dute helburu txuribeltzek
FUTBOLA
Aurreratutako neurketa
izango du bihar Real Unionek Barakaldoko Lasesarren. Arratsaldeko zazpietan
jokatuko du hogeita hamabosgarren jardunaldiko partida. Larunbatean Athletic
Bri irabazi ondoren, konfiantza berreskuratu du Sergio Franciscoren taldeak,
eta lehenbailehen lortu nahi du orain salbazio matematikoa. Azken jardunaldiko
emaitzak ez ziren onak izan irundarrentzat. Laudiok eta Getafe Bk irabaztea
lortu zuten. Ondorioz, bi puntura dauka oraindik Unionek promozio postua, eta
laura jaitsiera zuzena.
Beste garaipen batek ia
behin betiko lasaitasuna emango lioke Irungo taldeari. Baina ez du lan erraza
izango. Barakaldok 1-2 irabazi zuen
lehenengo itzulian Stadium Galen. Igoera fasera sailkatzeko lehian izan dira
ezkerraldekoak orain arte. Hala ere, azken aseotako emaitza txarrek helburua urrun
utzi dute. Zazpi puntura daukate orain play off-a. Azken hiru partidetatik bi
galdu eta bestea berdindu egin dute. Lasesarreren babesa bilatuko du oraingoan
Barakaldok, hiru puntuei alde egiten ez uzteko. Sergio Franciscoren taldeak
ahaleginak egingo ditu bat behintzat eskuratzeko.
No hay comentarios:
Publicar un comentario