Real Unionen jokatuko du Iñaki Urkizuk

FUTBOLA

Aitor Zulaikak gidatuko duen lan taldea handitzen ari da pixkanaka. Iñaki Urkizu gipuzkoarra fitxatu eta Real Unioni utzi dio Realak. Duela 24 urte Berastegin jaiotako gaztea da Urkizu. Sestao Riverren aritu da azken denboraldian, eta multzoko txapeldun izan da Ezkerraldeko taldearekin. 32 partida jokatu ditu, 23 hasierako hamaikakoan. Play off-eko lau partidatan parte hartu du. Hegaleko jokalaria da Urkizu. Bi lateraletan edo zelai erdian jokatu dezake. Sestaon baino lehenago, Gernikan, Beasainen eta Antiguokon aritu da.

Gaur hasiko dute aurredenboraldia

Aurreikuspenak beteta, gaur abiatuko du aurredenboraldia 2014/2015eko Real Unionek. Aitor Zulaikak, Manu Merinok eta Ibon Zoilok gidatuko dute lehen entrenamendua, eta ondorengo jokalariak izango dituzte haien esanetara: Otermin, Azkoiti, Sagastibeltza, Seguin, Rodellar, Romo, Domínguez, Saizar, Goikoetxea, Morcillo, Urbieta, Sanchez, Etxeberria, Martínez, Tena, Ibarbia, Iriondo, Urkizu. Aurredenboraldian Unionek jokatuko dituen lagunarteko partiden zerrenda ere zabaldu du klubak:

Uztailak 26: Oiartzun – Real Union (Karla Lekuona)
Uztailak 30: Berio – Real Union (Zubieta)
Abuztuak 2: Real Sociedad B - Real Union (Zubieta)
Abuztuak 6: aurkaria eta zelaia ez daude konfirmatuta
Abuztuak 9: Beasain – Real Union (Loinaz)
Abuztuak 13: Lagun Onak – Real Union (Garmendipe)
Abuztuak 16 edo 17: Partida Stadium Galen. Aurkaria ez dago konfirmatuta

IÑAKI URKIZU (sestao-river.com)