San Miguel Liga abiatuko da bihar Bartzelonan

San Sebastian hondartza izango da lehen jokalekua

ARRAUNA

Hastera doa udako kirol ikuskizun nagusietako bat. TKE San Miguel Liga martxan jarriko da bihar Bartzelonan jokatuko den II.Euskadi Basque Country banderarekin. Eguerdiko hamabietan hasiko da ligako lehen estropada. Lehenengo txandan Urdaibai, Zierbena, Kaiku eta San Juan ariko dira. Bigarrenean egongo da Hondarribiko Ama Guadalupekoa, Astillerorekin, Pedreñarekin eta Cabo da Cruzekin batera. Azken txandan Portugalete, Tirán, San Pedro eta Orio izango dira norgehiagokan.

Hondarribia Arraun Elkarteak faboritoen zerrendan abiatuko du denboraldia. Berdeek azken urteotako taldearen gehiengoa mantendu dute. Bi fitxaketa ere iritsi dira, eta “B” ontzitik datozen arraunlariek ilusioa eta garaipen gosea emango diote taldeari. Hondarribia baino maila bat gorago dago momentuz Orio. Horiek emaitza bikainak lortu dituzte aurredenboraldian, eta indartsu hasiko dute liga. Kaiku, berrikuntza handia izan duen arren, denborarekin bere maila onenera hurbildu daiteke. Urdaibai 95 puntu gutxiagoko zigorrarekin abiatuko da, eta nahikoa lan izango du maila mantentzearekin. Banderak irabazteko lehian egongo da hala ere. San Pedro, Portugalete edo traineru galiziarrak ere kontuan hartzeko aurkari izan daitezke. Berdintasuna nagusi, emoziorik ez zaio faltako San Miguel Ligari. 

gipuzkoasport.com

Estropada eremua eta parte hartzaileak (muchocastro.com)