ATLETISMOA
Dominen bilduma eskuratu
dute Behe Bidasoako atletek senior mailako Euskadiko Txapelketan. Donostian
jokatu da lehiaketa asteburuan. Txingudi Atletismo Taldea proba bakarrean igo
zen podiumera. Ion Arrieta hondarribiarra izan zen horien ordezkaria 200
metroko probako hiru onenen artean. Bigarren gelditu zen Arrieta, 22.26ko
markarekin.
Super Amara Bidasoa Atletiko
Taldeak Euskadi mailako erreferentea dela erakutsi zuen. BATeko bost atleta
izan ziren Euskadiko Txapeldun: Imanol Gil (100m), Gen Abreu (400m), Tamara
Perez (400m), Teresa Zaragueta (altuera jauzia), Malen Ruiz de Azua (pertika
jauzia). Lau igo ziren podiumeko bigarren tokira: Markel Blanco (800m), Marina Elosegi
(400m), Nerea Sarriegi (800m), Aratz Rodriguez (1500m). Sei izan ziren
brontzezko dominak: Mikel Campon (pertika jauzia), Mikel Ruiz Lasa (xabalina
jaurtiketa, pisu jaurtiketa, disko jaurtiketa), Malen Ruiz de Azua (luzeera
jauzia) eta Enara Ibarra (5000m martxa).
https://www.facebook.com/pages/Press-Txingudi-Atletismo-Taldea
No hay comentarios:
Publicar un comentario