Granollersen
aurka galdu zuten atzo irundarrek
ESKUBALOIA
FRAIKIN
GRANOLLERS 30-22 BIDASOA-IRUN
FRAIKIN
GRANOLLERS: Schulz, Blanxart (3), Campos (3), Ruiz (8), Del
Arco (5), Pérez, Tremps (1), Sastre, Edgar, Pujol, Capdevila, Marc, Arnau (1),
Solé (3), Puig, Salinas (3).
BIDASOA-IRUN:
Zubiria,
Crowley (2), Mujika (2), Vidal (3), Ugarte (1), Aldunate, Cavero (1), Azkue
(1), Kallman (11), Aranburu, Rincón (1), De Cerio.
EPAILEAK:
Ríos
Martín eta García Mosquera.
MARKAGAILUA:
3-2,
6-4, 8-6, 12-9, 13-10, 15-13 (atsedenaldia). 16-13, 18-16, 21-17, 24-19, 27-20,
30-22.
Asobal
Ligako hirugarren sailkatuaren etxean galdu zuen atzo Bidasoa-Irunek. Erronkaren
zailtasunaz jabetuta, egunean bertan bidaiatu zuten irundarrek. Goizean irten
ziren Katalunia aldera, eta partida bukatu bezain pronto ekin zioten
itzulerari. Tartean, Granollersek bere nagusitasuna erakutsi zuen pistan. Uste
baino lan handiagoa eman zion, hala ere, Fernando Bolearen taldeak.
Markagailuan
aurretik izan zen uneoro Granollers, baina Bidasoak etxekoen erritmoa jarraitu
zuen. Källman suediarra izan zen protagonista erasoan. Guztira hamaika gol
sartu zituen atzokoan. Atsedenaldia 15-13ko markagailu estuarekin iritsi zen
Palau D´Esports-en. Bueltan, hirura zabaldu zuen aldea Granollersek sei
minututan.
17-16ra
hurbiltzea lortu zuen Bidasoak ondoren. Baina hurrengo minutuetan, etxekoek
neurketa erabaki zuten. Beste hamahiru gol sartu zituzten bukaerara bitarte.
Irundarrek, aldiz, sei besterik ez. Arazo handiak izan zituzten azken hogei
minutuetan baloia Schluzen atean sartzeko. Azken aurreko jardunaldia jokatuta,
denboraldia agurtuko du Bidasoa-Irunek datorren igandean Artalekun,
Anaitasunaren kontrako derbiarekin.
No hay comentarios:
Publicar un comentario