Berdeek faseko lehen partida irabazi
dute (22-21)
ESKUBALOIA
Denboraldiko
asteburu garrantzitsuena hasi da La Bacaladera Hondarribia eta HTG Express
Irungo Gaztiak eskubaloi taldeentzat. Espainiako Lehenengo Mailara igo nahi
dute berdeek. Bigarrenera, berriz, beltzek. Gaur arratsaldean bertan argitu dezakete haien etorkizuna bi
taldeek.
La
Bacaladera Hondarribia Kataluniako Sant Cugat del Vallesen dago igoera fasea
jokatzen. Ligaxka formatuko lehiaketa da, eta dagoeneko lehenengo partida
irabazi zuen atzo Viky de la Hazaren taldeak. 22-21 menderatu zuen Errioxako
Calasancio. Multzoko beste partidan, Sant Cugatek jipoia eman zion Baleareetako
Mata de Jonc taldeari (39-16). Galtzaileen kontra ariko dira gaur berdeak,
arratsaldeko seietan. Irabaztea lortzen badu, Lehenengo Mailako talde izango da
Hondarribia.
Irungo
Gaztiak-ek Artaleku kiroldegian antolatu du igoerako azken fasea. Kanporaketa formatua
izango du. Gaur arratsaldeko 18:30etan Aloña Mendiren kontrako finalerdia
jokatuko du Irungok. Bi ordu lehenago, Ordizia eta Dusto Loiola ariko dira
elkarren kontra. Finalerdia irabazten duten bi taldeek, Bigarren Mailara igotzea
lortuko dute. Bihar eguerdirako geldituko dira txapelduna erabakitzeko finala,
eta hirugarren eta laugarren posturako lehia. Aloña Mendiren kontrakoa izango
da, beraz, irundarren helburu nagusia.
Kiroletik
No hay comentarios:
Publicar un comentario