ATLETISMOA
Mila parte hartzaile inguru irten
ziren atzo Irungo Maratoi Erdian. Horietatik 485 izan ziren Colon pasealekuko
helmugara iritsi zirenak. Denen artean Abdelhadi El Mouaziz marokoarra izan zen
azkarrena, 1:06:41eko denborarekin. Youness Aithadik eta Paueko Jean Louis
Pierratek osatu zuten podiuma. Pedro Nimo galiziarrak minduta izan zuen bikia
bosgarren kilometrotik aurrera, eta bosgarren tokian bukatu zuen lasterketa.
Emakumeetan, Maajida Maayouff
sartu zen lehenengo tokian helmugan, 1:22:03ko denborarekin. Claudia Behobide
hondarribiarra bigarren izan zen, ia bost minutu galduta. Itziar Barrenetxea
donostiarra izan zen hirugarren. Rollerrei dagokienean, Garikoitz Lerga eta
Maite Ancín nafarrek irabazi zuten proba.
No hay comentarios:
Publicar un comentario