Luzapenean kanporatu du Laudiok Real Union

Ondo bideratutako partida galdu dute irundarrek

FUTBOLA

LAUDIO 3-1 REAL UNION

LAUDIO: Herrera, Gorka Martínez, Bergara, Larrainzar, Artabe, Degre (Luariz, 68’), Casado, Kepa (Raúl Salcedo, 61’), Eraña, Del Alamo (Germán, 78’), Muniozguren.

REAL UNION: Otermin, Morcillo, Valín (Azkoiti, min. 69’), Sagastibeltza, Seguín, Yeray González, Balerdi (Gabilondo, 58’), Abaroa, Oscar Vega, Hugo Rodríguez, Saizar (Romo, 77’).

Epailea: Cristian Adrian Lizardru (Aragoi).

Kopatik kanpo gelditu da Real Union lehenengo kanporaketan. Laudion galdu zuen atzo, eta ligan jarri beharko du arreta guztia aurrerantzean. Partida berdindu baten ondoren, 0-1ekoa sartu zuen Saizarrek txuribeltzentzat. Azken minuturaino mantendu zuten abantaila irundarrek, baina epaileak lau minutuko luzapena eman zuen. Kanporaketak arriskurik ez zuela zirudienean,  Aimar Sagastibeltzak bere atean sartu zuen gola. Banakoak prorroga behartu zuen.

Unionek aldaketa guztiak eginda zituen eta luze egin zitzaion partida. 108. minutuan bigarrena sartu zuen Luariz txuribeltz ohiak, eta German Beltranek hirugarrena bukaeran. Laudio pasako da hortaz Kopako hurrengo kanporaketara, baina lehenago, Unionen aurka jokatu beharko du berriro. Igandean bertan ariko dira beste behin Laudio eta Real Union elkarren kontra, ligako hirugarren jardunaldian, Ellakuri futbol zelaian bertan.

realunionclub.com