Lehenengo garaipena lortu du Bidasoak Euskal Kopan

Zarautzen aurka irabazi du Aritzbatalden

ESKUBALOIA

AMENABAR ZARAUTZ 19-23 BIDASOA-IRUN

AMENABAR ZARAUTZ : De Carlos, Agote, Garate (1), Muguerza (2), Sasiain (4), Lertxundi (1), Balenziaga (3), Aguirrezabalaga (1), Etxaniz (1), Ondarroa (2), Alzaga (1), Atorrasagasti eta Beristain.

BIDASOA-IRUN : Zubiria,Otegi,  Díaz de Cerio (1), Álvarez ( 4), D.Rincón (2 ), Aldunate (1), Mugika (2), Aramburu (4), Jauregi, F.Rincón, Ugarte  (2), Iriarte (4), Susperregi ( 2) eta Cavero (1)

Udako lehenengo garaipena lortu zuen atzo Bidasoa-Irunek. Partida ofiziala izan zen, Euskal Kopako lehenengo fasekoa. Aritzbatalden irabazita, mendekua hartu zuen, aurreko astean Zarautzek Artalekun irabazi ondoren. Hasieratik nagusitu zen Fernando Bolearen taldea eta atsedenaldirako 9-4ko abantaila zeukan. Bigarren zatian Bidasoak erritmoa mantendu zuen, aldea 7 golera ere zabalduz. 3-0eko partzial bat kenduta, Zarautzek ez zuen markagailua iraultzeko aukerarik izan. Aranburu, Iriarte eta Alvarez izan ziren golegile onenak, launarekin. Galiziarrak utzi zuen hala ere, albisterik txarrena. Hatzeko luxazio batekin irten zen kantxatik.

Ostiralean jokatuko du hurrengo partida Bidasoak. Egiako Nazioarteko Eskubaloi Txapelketan parte hartuko du eta finalerdia jokatuko du Naturhouse La Riojaren kontra. Errioxakoa izango da hain zuzen ere, horien lehenengo aurkaria Asobal Ligan.  Euskal Ligari dagokionez, irailaren 7an edo 8an jokatuko du Bidasoak hurrengo partida. A multzoko beste partidako irabazlearen kontra izango da, Ereintzaren edo Barakaldoren kontra hain zuzen ere.

Aurtengo ekipazioa estreinatu zuen atzo Bidasoak  (CD BIDASOA)