Kontxan izango da Hondarribia

Bosgarren izan dira berdeak sailkapen estropadan

ARRAUNA
2013ko Kontxako Banderan izango da Hondarribia Arraun Elkartea. Kantauriko zazpi traineru hoberenen artean dagoela frogatu zuen atzo Ama Guadalupekoak sailkapen estropadan. Bosgarren sailkatu zen erlojuaren kontrako lehian, 20 minutu eta 15 segundoko denborarekin.

Sailkatu diren gainontzeko sei taldeak Portugalete, Orio, Kaiku, Urdaibai, San Pedro eta Tiran izan dira. Euskaldunen nagusitasuna, ia erabatekoa beraz. Portugaleteko Jarrillerak eman zuen ezustekoa, denborarik onena lortuta. Edonola ere, zazpi traineru horiekin batera, etxeko Donostiarra izango da urtero bezala.

Igande eguerdian jokatuko da lehengo jardunaldia. Bigarren txandan irtengo da Hondarribia, Donostiarrarekin, Portugaleterekin eta Kaikurekin batera.

2005eko balentria errepikatu nahi du Hondarribiak  (estropa.net)