Itxura aldaketa lortu du Hondarribiak Galizian

ARRAUNKETA

Hobera egin du nabarmen Hondarribia Arraun Elkarteak asteburuan, Galizian jokatutako bi estropadetan. Larunbatean seigarren izan zen Sanxenxon, aurreko asteburuan emandako itxura hobetuz. Hamabost segundu atera zizkion Kaiku irabazleak. Bigarren txandan hirugarren izan ziren berdeak, Pasaiako bi ontzien atzetik.

Igandean Moañan, etxeko traineruak, Tiranek irabazi zuen bandera. Ama Guadalupekoa bigarren izan zen, aurreikuspenak gaindituz eta banderak eskuratzeko moduko maila duela frogatuz. Bigarren txandako azkarrenak izan ziren galiziarrak eta bidasoarrak, eta sailkapen nagusian ere onenak izan ziren biak. San Miguel Ligako sailkapen nagusian seigarren postura igo da Hondarribia. 35 puntu ditu, bosgarren den San Pedrok baino lau gutxiago.

SAN MIGUEL LIGAKO SAILKAPENA

1	KAIKU AMBILAMP	55
2	ORIO BABYAUTO	47
3	URDAIBAI UMPRO AVIA	46
4	TIRÁN PEREIRA	41
5	SAN PEDRO ECOLMARE	39
6	HONDARRIBIA ORSA	35
7	PORTUGALETE EULEN	34
8	SAN JUAN IBERDROLA	34
9	ASTILLERO	24
10	PEDREÑA	15
11	ZUMAIA	12
12	CASTREÑA	8

elmundo.es