ESKUBALOIA
Bidasoa-Irun taldeak akordioa
lortu du Urtzi Otegi eta Aitor Díaz de Cerio jokalariekin. Kontratuen sinadura
besterik ez da falta fitxaketak ofizial egiteko. Biak Errenteriako Ereintza Aguaplast taldean aritu
dira 2012/2013 denboraldian eta Artalekuko taldean jokatuko dute hurrengoan. Urtzi
Otegi atezaina Bidasoaren harrobian hazitakoa da hala ere. Lehenengo taldean
jokatzera ere iritsi zen eta etxera itzuliko da hortaz. Díaz de Cerio errenteriarra
da, eskuin hegalean jokatzen du eta 71 gol sartu ditu azken denboraldian.
Hilabetea ere ez da pasa Bidasoak
igoera play off-a jokatu zuenetik eta lehenengo mugimenduak hasi dira
bulegoetan. Leo Renaudek Asobalerako bidea hartu zuen Ciudad Encantada Cuencan
jokatzeko eta ondoren Alexis Gimenok eta Alberto Mouriñok taldean jarraituko ez
zutela jakinarazi zuen klubak. Azken bi horien hutsuneak beteko dituzte Otegik
eta De Ceriok. Bidasoaren hurrengo helburua Leo ordezkatzeko moduko ezker
laterala aurkitzea izango da.
URTZI OTEGI
AITOR DÍAZ DE CERIO
No hay comentarios:
Publicar un comentario