TXIRRINDULARITZA
Bidasoako 28. Zikloturista Bira
jokatuko da igandean, Hondarribiko Txirrindularitza Elkarteak antolatuta. Azken
hiru urteotan Patxi Vila Martxa bezala berrizendatua izan den probak bi
ibilbide proposatzen ditu. Goizeko 8:30etan abiatuko dira biak Hondartza
Kiroldegitik. Ibilbide laburra 80 kilometrotakoa da, eta luzea 132
kilometrokoa.
Nolanahi ere, Erlaitz,
Jaizkibel bitan (Hondarribitik eta Lezotik), Aritxulegi edo Aginako portuak
gainditu beharko dituzte.Segurtasun neurri bereziak hartu dituzte aurten.
Aritxulegiko tunela argiztatzea erabaki dute batetik, eta bestetik, Euskal
Herriko Txirrindularitza Itzulian aritu diren 20 moto baliatuko dituzte
lasterketaren jarraipena egiteko.
Lasterketarako dortsalak www.kirolprobak.com webgunean eskura
daitezke, 20 eurotan federatuentzat, edo 29 eurotan federatuak ez daudenentzat .
Haien banaketa igandean bertan goizeko 7:00etatik aurrera egingo dute Hondartza
Kiroldegian.
No hay comentarios:
Publicar un comentario