ESKUBALOIA
BIDASOA-IRUN 24-20 SD TEUCRO
BIDASOA-IRUN : Zubiria,
Mouriño, Ugarte (1), , Gimeno, Crowley (8), F.Rincón (1), D.Rincón(5), Álvarez
(3), Ruiz, Aldunate, Amundarain, Aramburu, Renaud (4), Villamía, Susperregi, Azkue
(2).
SD TEUCRO: Bar, Armán,
Vidal, Fernández (2), Pombo (1gol), Chapela (4), Porto, Moreira (2), Rial ( 7),
García-Alen, Villar (2), García (1) , Pedreira, Asensio (1), Sio
PARTZIALAK: 5´(1-0),10´(6-2),
15´(6-3),20´(6-6),25´(8-6),30´(10-7), 35´(11-9),40´(13-12),45´(15-14),50´(18-16),55´(20-18),
60´(24-20)
Garaipen bakarra behar du Bidaso-
Irunek Asobal Ligako talde izateko. Finalerdia gainditu ondoren, Puente-Genilen
kontra jokatuko du gaur maila gorenera igotzeko partida erabakigarria (12.30). Atzoko lehia estuak kontuan izanda, nekea
faktore garrantzitsua izango da finalean. Ia gainontzeko guztia, aldeko izango
du Bidasoak. Zaleen babesa funtsezkoa izan zen finalerdian eta hare gehiago
izan beharko luke gaur. Garai onenetako Artaleku behar du Bidasoa-Irunek. Bere
historiako pasarte garrantzitsua borobildu dezake gaur talde irundarrak.
Testuinguruak baldintzatuta Hondartzan
jokatu behar izan zuen atzo Bidasoak. Eta bere historiako arratsalde
gogoangarrienetako bat bizi izan zuen Hondarribiko Kiroldegiak. Harmailak
kolore hori eta urdinez jantzi ziren eta zaleek, berotzera irten zireneteik
adoretu zituzten jokalariak. Gauzak horrela, partida hasiera bikaina egin zuen
Bidasoak. Defentsa sendoari eta Zubiriaren geldituei esker 6-2ko abantaila
esanguratsua lortu zuen hamargarren minuturako. Hala ere, Teucrok berpiztea
lortu zuen hutsartearen ondoren. Partidako lehenengo berdinketa jarri zuten
markagailuan hemeretzigarren minutuan (6-6). Hamar minutu egin zituen hortaz
Bidasoak golik sartu gabe. Crowleyk egin zuen zazpigarrena eta Leok jarraian
zortzigarrena. Hiru goleko aldea berreskuratu zuten horiek atsedenaldiaren
aurretik (10-7).
Bigarren zatiaren hasiera oso
ezberdina izan zen. Teucro defentsan estutzen hasi eta markagailuan hurbiltzen
joan zen, partidako lehenengo abantaila lortu arte (11-12). Momentu larria izan
zen Bidasoarentzat baina Leoren eta Crowleyren golek abantaila eman zioten
berriro. Hogei minutu falta ziren eta abantaila oso txikia zen oraindik.
Horrela jarraitu zuen, zortzi minuturen faltan Teucrok berriro berdinketa
ezarri zuen arte (18-18). Hor bukatu zen
galiziarren lehia. Zaleek lagunduta, azken ahalegina egin zuen Bidasoak.
Defentsan estutu zuen berriro eta Crowleyren gol sortari esker sei golera ere
handitu zuen markagailuko aldea. Azkenean 24-20koa izan zen emaitza eta
jokalari eta zale horiek elkarrekin ospatu zuten finalerako sailkatzea. Urrats
bakar bat gehiago eman behar du Bidasoak. Artalekuk eztanda egin dezake gaur
eguerdian.
No hay comentarios:
Publicar un comentario