BIDASOA IRUN 26-28 PUENTE GENIL
BIDASOA IRUN: Zubiria (3), Gimeno (2), Ugarte (3), Crowley, Leo (13), David Rincón (1), Roberto Álvarez (4), Mouriño (8), Aranburu (1), Aldunate (1), Fernando Rincón eta Azkue (1).
BIDASOA IRUN: Zubiria (3), Gimeno (2), Ugarte (3), Crowley, Leo (13), David Rincón (1), Roberto Álvarez (4), Mouriño (8), Aranburu (1), Aldunate (1), Fernando Rincón eta Azkue (1).
PUENTE GENIL: Chirosa (7), Olea, Morales (2),
Godoy, De la Sierra (5), Muñoz (3), Campos (3) , Oliva (4), Porras (1), Santiago
(4), Cuenca (1), Pozo (5) eta Chelu Cid
(4).
PARTZIALAK: 3-3, 6-7,
8-8, 9-9, 10-13, 12-15, 15-18, 17-20, 19-21, 20-22, 23-25 eta 26-28.
Asobal Ligako atarian gelditu da
gaur Bidasoa-Irun. Atzoko urrats handiaren ondoren aukera ezin hobea zuen,
baina ezin izan dio denboraldiari amestutako amaiera eman. Partida
erabakigarrian, Bidasoa baino gehiago izan da Puente Genil. Esperientzia
handiko jokalariak ditu Kordobako taldeak eta horrek eman dio garaipena.
Urduritasuna eta nekea hobeto kontrolatu dute kanpokoek eta garaipena eta
igoera ospatu dituzte. Pena izan da, baina gauza pozgarri asko ere izan ditu
finalak. Aspaldian ez bezala bete dira Artalekuko harmailak, zaleek atsedenik
gabe animatu dituzte jokalariak eta Bidasoa Ohorezko Mailako kluba dela
erakutsi dute.
Partidaren hasieratik antzeman
ahal izan da taldeen arteko aldea. Puente Genilek eraso bakoitzean lortzen zuen
gola eta Bidasoak arazo handiak zituen hutsuneak aurkitzeko. Roberto Alvarezek
eta Leok mantendu dute erritmoa kanpoko jaurtiketekin. Hamabosgarren minutuan
zortzinako berdinketa irudikatzen zuen markagailuak, kantxa gainean nagusi zen
berdintasunaren seinale. Hortik aurrera hobeto aritu dira kanpokoak eta hiru
goleko abantaila lortu dute atsedenaldirako. Zail zegoen partida, baina
irundarrek zaleen babesa zeukaten eta garaipenean sinisten jarraitzen zuten.
Bigarren zatiaren hasieran
markagailuan hurbiltzeko ahalegina egin du Bidasoak. Kostatu zaio, baina
azkenean aldea murriztea lortu du berrogeita bosgarren minutua baino lehen.
3-0ko partzial bat osatu eta 19-20koa jarri du Bidasoak. Erreakzioak
Artalekuren berpiztea ekarri du eta zaleek lagunduta, markagailua berdintzeko
jokaldia izan du Bidasoak. Huts egin dute eta Boleak hutsartea eskatu behar
izan du. Hurrengo jokaldietan gidoia berbera izan da. Puente Genilek erasoak
ahalik eta gehien luzatu ditu, azken unean gola sartuz. Leoren jaurtiketei esker, Bidasoak gol bakarreko
desabantaila mantendu ahal izan du, azken bi minutuetan partidak ihes egin dion arte.
25-28ra joan dira kanpokoak eta azken momentuan Gimenok emaitza apaindu badu
ere, bukaera lasaia izan du Puente Genilek.
Denboraldiaren hasieran inork ez
zuen espero Fernando Bolearen talde gaztea igoera faseko finalera iritsiko
zenik. Pentsaezina zena egin dute horiek eta lehiakortasun handia erakutsi dute
denboraldian zehar. Klubak lan ona egin du bulegoetan eta harrobian, eta
lozorroan zegoen zalegoa esnatu egin da. Irungo eskubaloiak tradizio handia du.
Baita etorkizuna ere.
No hay comentarios:
Publicar un comentario