ESKUBALOIA
Sei urte luzeren ondoren Asobal
Ligara bueltatzeko aukera ezin hobea izango du asteburuan Bidasoa-Irunek. Etxean
jokatuko du igoera fasea, azken zortzi partidak irabazita, hirugarren postuan
bukatu baitzuen liga. Denboraldi hasieran pentsaezina zena lortu du talde
horiak, eta zabaldu duen atea zeharkatu nahi du orain. Bi partida besterik ez
ditu aurretik. Larunbatean jokatuko du lehenengoa, Teucroren kontra
Hondarribiko Hondartza Kiroldegian (17:00). Finalerdia gaindituz gero, Alcobendas-Puente
Genil partidako irabazlearen aurka jokatuko du finala. Igandean izango da lehia
erabakigarria, Irungo Artaleku Kiroldegian (12:30).
Etxean jokatzearen abantaila izango du Bidasoak. Hondartza lepo beteta egongo da eta finalera iritsita, Artalekun ere giro ederra izango da zalantzarik gabe. Baina itxaropentsuena, taldearen momentu bikaina da. Hamaikatik bederatzi partida irabazi ditu bigarren itzulian Fernando Bolearen taldeak. Horietatik zortzi segidan. Play off-eko hiru aurkariak gainditu ditu azken txanpan. Hala ere, kantxa gainean frogatu beharko du Bidasoak nagusitasuna. Azken jardunaldietako maila ematen badu, Asobal Ligako talde izan daiteke igandean.
Etxean jokatzearen abantaila izango du Bidasoak. Hondartza lepo beteta egongo da eta finalera iritsita, Artalekun ere giro ederra izango da zalantzarik gabe. Baina itxaropentsuena, taldearen momentu bikaina da. Hamaikatik bederatzi partida irabazi ditu bigarren itzulian Fernando Bolearen taldeak. Horietatik zortzi segidan. Play off-eko hiru aurkariak gainditu ditu azken txanpan. Hala ere, kantxa gainean frogatu beharko du Bidasoak nagusitasuna. Azken jardunaldietako maila ematen badu, Asobal Ligako talde izan daiteke igandean.
cdbidasoa.com
No hay comentarios:
Publicar un comentario