ARRAUNKETA
Aulki mugikorreko Gipuzkoako eta
Euskadiko Txapelketak izan dituzte aste bakarrean eskualdeko bi ordezkariek.
Hondarribiko zortzikoak txapela jantzi zuen larunbatean Orion jokatutako
Gipuzkoako Txapelketan, etxekoen aurkako lehia estua irabazi ondoren. Hogei zentesima besterik ez
ziren egon berdeen eta horien artean. Hirugarren izan zen Santiagotarrak Kirol
Elkarteko ontzia, hondarribiarrengandik bost segundura. Estropada ona osatu
zuten irundarrrek.
Asteazkenean Euskadiko Txapelketa
izan zen Legution eta Hondarribiak ezin izan zuen garaipena errepikatu. Raspas
izan zen irabazle, Hondarribia eta Orio faboritoak gaindituz. Segundu bakarrera
gelditu ziren berdeak eta bostera horiak. Santiagotarrak sartu zen berriro Orioren atzetik,
Gipuzkoakoan baino denbora gehiago galduta. Raspasengandik hamabost segundura
gelditu ziren irundarrak.
diariovasco.com
txingudisportfmtv.com
No hay comentarios:
Publicar un comentario