Hondarribiko Rallysprinta izango da larunbatean

AUTOMOBILISMOA

Hondarribiko VII. Rallysprinta izango da larunbatean, Sardara Motor Elkarteak antolatuta. Arratsaldeko hiruretan hasiko da lasterketa eta hiru itzuli eman beharko dizkio auto bakoitzak urteroko ibilbideari. 56 parte hartzaile izango dira aurtengo frogan. Ikusleak Guadalupera igo daitezela gomendatu dute antolatzaileek baita segurtasun neurriak bete ditzatela ere. Lasterketaren ondoren, sari banaketa izango da Zuloaga Kalean sei eta erdietan. Goizean, bederatzietatik ordubiak arte, egiaztapenak egingo dira Kirol Portuan eta autoak hurbiletik ikusteko aukera izango dute zaleek. 

escuderianervion.blogspot.com