Gaizki hasi du bigarren itzulia Hondarribia-Irunek

SASKIBALOIA

CIUDAD DE BURGOS 80-54 HONDARRIBIA-IRUN

CIUDAD DE BURGOS: Regina Gómez (12), Rachel Allison (19), Blanca Marcos (15), Laura Gil (10), Berta Chumillas (3) . Aitana Cuevas (8), Itziar Llobet (3), Anna Gómez (10).

HONDARRIBIA-IRUN: Ana Suárez (16), Tania Quintero (5), Lisa Karcic (1), Tatiana Kehsler (14), Sonia Reis (11). Laura Arroyo (5), Mandisa Stevenson (2).

Galtzen hasi arren, ia hogeita hamar puntuko aldea atera zion Beroil Ciudad de Burgos taldeak Hondarribia-Iruni. Zazpi jokalarirekin aurkeztu ziren bidasoarrak Burgosen, baina ondo sartu ziren partidan eta Tania Quinteroren eta Sonia Reisen saskiratzeek aurretik jarri zituen (8-10). Laster iritsi zen etxekoen erantzuna eta lehenengo laurdenaren amaierarako irabazten ari ziren (21-18). Baina bigarrenean iritsi zen okerrena. Lehenengo sei minutuetan 15-0eko partziala lortu zuen Burgosek eta abantaila ia gaindiezina zen. Hirugarrenean berdeen erreakzio txikia iritsi zen eta 52-43era hurbildu ziren, baina laugarrenean etxekoak nagusi izan ziren berriro, eta garaipen garbia lortu zuten. Porrotak zortzigarren postuan uzten du Hondarribia-Irun, hamabost punturekin.

 

feb.es