ERRUGBIA
ATLÉTICO SAN SEBASTIÁN 18-16
ZAISA-IRUN RT
Partida berdindua galdu
zuen Zaisa-Irunek larunbatean Donostian, Atlético San Sebastián
taldearen aurka. Ondo sartu ziren irundarrak derbian eta seigarren
minutuan lehenengo entsegua lortu zuten. Transformazioan ordea,
Anthianek huts egin zuen. Lehenengo zatian zehar abantaila handitzeko
aukera izan zuten beltzek, baina haien akatsek donostiarrei indarra
eman zien. Hamabosgarren minutuan 3-5ekoa jarri zuten txuri-urdinek eta jarraian lehenengo entsegua lortu eta
markagailuari buelta eman zioten. Hala ere, Herrerok egindako
entsegu batekin Zaisa-Irunek berriro aurretik jartzea lortu zuen
atsedenaldia baino lehen. Bigarren zatiaren hasieran nagusi izan
ziren beltzak eta 11-16ko abantaila ere izan zuten baina 80.minutuan
etxekoek bukaerako emaitza jarri zuten markagailuan, transformatutako
entsegu bati esker. Sailkapeneko hirugarren postuan jarraitzen du
Zaisa-Irunek eta larunbatean Plaiaundin jokatuko du, Ordizia Bren
kontra.
bidasoaldia.com
No hay comentarios:
Publicar un comentario