Azken momentuan galdu du partida Hondarribia-Irunek

SASKIBALOIA

CONQUERO 81-80 HONDARRIBIA-IRUN

TOYOTA RECREATIVO CONQUERO: Lidia Mirchandani (9), Tanya Bröring (9), Itziar Germán (14), Joanna Walich (10), Bernice Mosby (20). Ana Alonso (5), Patricia Cabrera (12), Lucía Pablos (2) eta Patricia Soler (0). 

HONDARRIBIA IRÚN: Ana María Suárez (17), Italee Lucas (22), Lisa Karcic (22), Tatiana Keshler (10), Mandisa Stevenson (4). Thania Quintero (1) eta Sonia Borges (4).

Partida osoan zehar nagusi izan ondoren, azken momentuan galdu zituen puntuak atzo Hondarribia-Irunek. Bröringek hiru segunduren faltan lortutako saskiratzeak saihestu zuen berdeen garaipena. Lehenengo hiru laurdenetan partidaren jabe izan ziren bidasoarrak eta Karcien eta Lucasen gidaritzapean abantaila handiak lortu zituzten (37-40 atsedenaldian). Bigarren zatian, Mosbyren berpiztearekin batera, andaluziarren jokoak hobera egin zuen, minutu bakarra falta zela aurretik jarri ziren arte (79-78). Hurrengo jokaldian, Keshlerrek berriro abantaila eman zion Hondarribia-Iruni. Hamahiru segunduren faltan, bazirudien puntuek Bidasoaldera bidaiatuko zutela, baina zortzi besterik ez zituen behar izan Bröringek bukaerako 81-80ekoa sartzeko.

huelva24.com