ESKUBALOIA
Alcobendasen jokatuko du bihar
Bidasoa-Irunek, lehenengo itzuliko azken aurreko partidan (18.00). Datorren
astean Bartzelona B liderrak bisitatuko du Artaleku eta erronka horri
konfiantzaz eusteko, garrantzitsua izango litzateke bihar bi puntuak
eskuratzea. Joan den astean ezusteko porrota jaso zuten horiek. Artalekun Teucroren kontra galdu zuten eta hirugarren
postuan egonkortzeko aukera izatetik, bosgarrenean egotera pasa dira. Biharko
aurkaria, Alcobendas, seigarren postuan dago, irundarren atzean eta Play Off
postuetako mugan. Puntu bakarrera du Bidasoa eta bihar irabazita, sailkapenean aurrea hartuko lioke. Orain arte,
etxetik kanpo Bolearen taldea ez da ondo moldatu, baina Irunen jokatutako
partida gehienetan erakutsi duen maila ematea lortzen badu, partida irabazteko
aukera izango du. Neguko etenaldi luzera ondo kokatuta iristeko, Bidasoak
beharrezkoa du Madrildik esku hutsik ez itzultzea.
Artalekun galdu ondoren, Alcobendasen irabazteko erronka izango du Bidasoak.
No hay comentarios:
Publicar un comentario