ESKUBALOIA
BM. ALCOBENDAS 26-23 BIDASOA-IRUN
BIDASOA-IRUN: Zubiria, Gimeno
(1), Ander Ugarte (6), Crowley (8), David Rincón, Leo Renaud (3), Roberto
Álvarez (1). Mouriño, Aldunate (1), Jon Azkue (1), Aranburu (2) eta Ander Ruiz.
PARTZIALAK: 1-2, 3-4, 5-4, 8-5,
10-5, 12-6 (descanso); 13-8, 17-11, 20-13, 23-17, 24-20 y 26-23.
Joan den asteko irudia hobetu
beharrean, hura okertu zuen atzo Bidasoak Alcobendasen. Artalekuko akatsak
errepikatu eta partida txarra egin zuen. Denboraldi hasiera itxaropentsua egin
zuten irundarrek, baina azken bi partiden ondoren ez dute harro egoteko
arrazoi handirik. Atzo lehenengo minutuetan baino ez ziren lehian egon. Bidasoak izan zituen partidako lehenengo
abantailak, baina hamabosgarren minutuan Alcobendasek aurretik jartzea lortu zuen
(4-5). Hortik aurrera etxekoak nagusitu ziren eta lehenengo zatiko azken
minutuetan abantaila erabakigarria lortu zuten. 12-6ko markagailuarekin iritsi
zen atsedenaldia.
Bigarren
zatian eroso aritu zen Alcobendas, ez zuen estualdirik pasa eta arazorik gabe
mantendu zuen abantaila. Irundarrak ezinean ibili ziren, erasoan gabezia
nabarmena erakutsiz. Atzo urrun gelditu ziren Adelma eta Puente-Genilen
kontrako baliabide guztiak. Azken minutuetan, partida erabakita zegoela ikusita,
etxekoak lasaitu egin ziren eta Bidasoak aldea murrizteko aprobetxatu zuen.
Baina beranduegi zen. Porrotak sailkapeneko seigarren postuan uzten ditu bidasoarrak
eta datorren astean Bartzelona B hartuko dute Artalekun. Liderrari irabazten ez
badiote, Play Off postuetatik kanpo bukatu dezakete ligako lehenengo itzulia.
Eta azken bi jardunaldien ondoren, erronka zaila dirudi.
bidasoaldia.com
No hay comentarios:
Publicar un comentario