ESKUBALOIA
HONDARRIBIA 20-27 PULPO
HONDARRIBIA 20-27 PULPO
Etxeko
lehen partida ere galdu zuen igandean Lehen Mailan ari den
Hondarribia Eskubaloiak. Zumaiako Pulpok eskuratu zituen bi puntuak,
bigarren zatian partida hautsi ondoren. Lehen hogei minutuetan eutsi
zion Hondarribiak (6-6). Baina atsedenaldirako, hiru goleko aldea
zeukan kanpoko taldeak. Aldagelatik bueltan, zazpi goleraino handitu
zuen errenta. Larunbatean, gainera, erronka zaila izango du berriro
Hondarribiak. Tolosari egingo dio bisita. Ohorezko B Mailara igotzeko
faborito den taldea da tolosarra. Bertan ari dira joan den urtean
Bidasoarekin Asobalen jokatu zuten Otegi, Aranburu, Rincón, Mujika
eta De Cerio.
Indartsu
hasi da Bidasoaren filiala
Bigarren
Mailan debuta egin du joan den urtean Irungo Gaztiak izena mantentzen
zuen taldeak. Aurten HTG Express Bidasoa izango da talde irundarraren
filiala. 30-23 menderatu zuten igandean horiek Bilboko Loiola
Indautxu, igoera faseko finalean aurrean izan zuten aurkaria.
Igandean Gasteizen jokatuko du Pedro Salcedoren taldeak, 11:30etan
Gure Auzune taldearen kontra.
Argazkia: cbhondarribia.com
No hay comentarios:
Publicar un comentario