Porrotarekin hasi dute denboraldia Ohorezko Erregionaleko bi taldeek

FUTBOLA

HONDARRIBIA 1-3 OSTADAR

AURRERA 3-0 REAL UNION B

Puntu bakarra ere ez dute bildu Ohorezko Erregionalean ari diren eskualdeko bi taldeek. Hondarribiak eta Real Union Bk ligako lehen partida galdu zuten asteburuan. Jokalari garrantzitsuak galdu dituzte bi taldeek, eta jende gaztearekin ekin diote denboraldiari. Maila mantentzea izango da berdeen helmuga aurten ere. Txuribeltzen filialak jokalariak haztea du helburu, sailkapena alde batera utzi gabe.

Hondarribiak hiru gol jaso zituen larunbatean Hondartzan, Lasarte-Oriako Ostadar taldearen partetik. Gorka Brit aurrelari txuribeltz ohiak sartu zituen lehenengo biak ordu erdia bete baino lehen. Etxekoen gol bakarra Orkolagak egin zuen. Koldo Aranburu entrenatzaile irundarraren lehen partida izan zen Hondarribia Futbol Elkartearen aulkian. Bigarren jardunaldian Tolosari egingo dio bisita Hondarribiak, larunbatean 17:00etan.

Javi Garmendiaren Real Union Bk masailekoa jaso zuen larunbatean Ondarroan. Atsedenaldira arte husnakoa mantendu zuten irundarrek. Baina bigarren zatian hiru gol jaso zituzten, denak estrategiako jokaldietan. Ohorezko Erregionalean esperientzia gutxi daukan taldea du Unionek. Lana dauka aurretik, beraz, Garmendia entrenatzaileak. Larunbatean Ordizia hartuko du filialak Galen, 15:30etan.

Argazkia: Unai Oiartzun.

SAILKAPENA:

1	AURRERA K.E.	3
2	ZARAUTZ K.E.	3
3	ORDIZIA K.E.	3
4	OSTADAR S.K.T.	3
5	MARTUTENE K.E.	3
6	ELGOIBAR C.D.	3
7	ARETXABALETA K.E.	3
8	USURBIL F.T.	1
9	BETI GAZTE K.J.K.E.	1
10	HERNANI C.D.	1
11	TOLOSA C.F.	1
12	ALOÑA MENDI KE	0
13	ANAITASUNA C.D.	0
14	TOURING C.D.	0
15	BERGARA K.E.	0
16	HONDARRIBIA F.E	0
17	ANTZUOLA K.E.	0
18	REAL UNION CLUB SAD	0

kirolak.net