Azken
sailkatuaren etxean jokatuko dute bihar txuribeltzek (17:00)
FUTBOLA
Ezinbestean irabazi
beharreko partida jokatuko du bihar Real Unionek. Sariñenako El Carmenen ariko
da arratsaldeko bostetan, sailkapeneko azken taldearen kontra. Hirugarren
Mailara matematikoki jaitsi zen joan den astean Sariñena, eta sei neurketa
galdu ditu segidan. Sergio Franciscok gaurko prentsaurrekoan adierazi du bere
taldearen beharra handiagoa dela: “Haiek itxura ona eman nahiko dute etxean,
baina guk askoz gehiago daukagu jokoan. Hasieratik erakutsi behar dugu hori”.
Azken bi hilabeteetan behera
egin du etengabe Real Unionek. Joera hori apurtu nahi du behingoz, eta aukera
aproposa izango du bihar. Irabazita 40 puntura iritsiko litzateke talde
txuribeltza, eta hurbilago izango luke salbazioa. Galduz gero ordea, arazoa
larria izango litzateke. Egutegi gogorra daukate irundarrek hurrengo bost
jardunaldietan. “Taldeak ikusi du jaitsieraren
arriskua benetakoa dela, eta aurrera pausoa eman du”, nabarmendu du Sergio Franciscok.
Mikel Azkoiti eta Oscar Vega deialditik kanpo geldituko dira bihar, zigorra
bete beharko dutelako. Aimar Sagastibeltza, berriz, lesiotik osatu da eta
entrenatzailearen esanetara egon ahal izango da.
Lehenengo itzuliko partidan 2-1 irabazi zuen Real Unionek Galen (diariovasco.com)
No hay comentarios:
Publicar un comentario