Guadalajaran
jokatuko dute horiek bihar (19:00, Teledeporte)
ESKUBALOIA
Maiatzaren 24ean Asobal
Ligako talde izateari utziko dio Bidasoa-Irunek. Beste taldeen arazo
ekonomikoak direla eta bulegoetan maila mantentzen ez badu, Ohorezko B Mailan
arituko da hurrengo denboraldian. Bitartean, azken lau jardunaldiez gozatzea
eta ahal bezain beste lehiatzea izango du helburu Fernando Bolearen taldeak. Bi
neurketa jokatuko dituzte horiek etxetik kanpo, eta beste bi Artalekun. Etxeko
biak irabazita burua tente bukatu nahi du Irungo taldeak. Kanpoan, berriz, lan
zaila izango du Bidasoak.
Bihar Guadalajarari egingo
dio bisita. Lehenengo itzuli ona egin zuen Mateo Garraldaren taldeak, baina
behera egin du azken jardunaldietan. Bederatzigarren postuan dago hala ere, eta
etxean aritzearen abantaila izango du. Gainera, Bidasoa ez da bere onenean
iritsiko. Iñaki Susperregiren lesioa larria da, lotailu gurutzatua eta meniskoa
hautsi baititu. Ebakuntza egin beharko diote. Roberto Alvarezek sorbalda
minduta dauka oraindik, eta taldearen egoera kontuan hartuta, atsedena hartuko
du. Fernando Rincónek eta Ander Iriartek ere ezin izango dute parte hartu.
Jon
Azkue, etorkizuneko ardatz
Taldeak sailkapenean izango
duen tokia argituta, hurrengo denboraldia prestatzen hasi da kluba. Jon
Azkueren kontratua berritzea izan da lehenengo urratsa. 2016ra arte jantziko du
oriotarrak elastiko horia. Asobal Ligan eman duen maila ikusita, etorkizunerako
proiektuaren ardatz egin nahi du Bidasoak. Atzoko prentsaurrekoan Fernando
Boleak aurreratu zuen talde lehiakorra egin nahi dutela: “Ohorezko B Mailan
egonez gero, igoera zuzena lortzeko modukoa. Eta Asobalen jarraitzekotan, maila
hobean lehiatzeko gai izango dena”. Egungo taldearen %70a mententzeko asmoa ere
azaldu zuen entrenatzaileak.
No hay comentarios:
Publicar un comentario