Jaitsieraren mehatxua zeharo baztertu ezinean dabil Hondarribia

FUTBOLA

ANAITASUNA 1-0 HONDARRIBIA

BERIO 3-0 REAL UNION B

Ohorezko Erregionaleko liga bukatzeko bost jardunaldi falta dira, eta Hondarribiak lana dauka aurretik. Larunbatean Azkoitian galdu zuen Anaitasunaren kontra. Ondorioz, hiru puntu gutxiago ditu orain jaitsiera postuan dagoen Zarautzek. Berdeek partida bat gutxiago jokatu dute, baina ez dute mamua uxatzea lortu.

 Hondarribiak bi neurketa jokatuko ditu aste batean, biak etxean gainera. Azken sailkatua den Lagun Onak Bk bisitatuko du larunbatean Hondartza. Hurrengo ostegunean aldiz, atzeratutako partida jokatuko du Mikel Llorenteren taldeak Ondarroako Aurreraren aurka. Bietan irabazita, helburua eskura izan dezake Hondarribiak.

Txuribeltzak eroso

Real Union Bk lasai bukatuko du aurtengo denboraldia. Sailkapeneko erdialdean dago, zortzigarren, 40 punturekin. Filialak ez du maila galtzeko arriskurik pasako, eta lehenengo bost postuak ere oso urrun ditu. Igandean porrot argia jaso zuten irundarrek Donostian, Berio liderraren kontra. Asteburuan Lesakako Beti Gazte hartuko dute Stadium Galen.

Kiroletik

SAILKAPENA

1	BERIO F.T.	65
2	ARETXABALETA K.E.	54
3	TOLOSA C.F.	54
4	ANAITASUNA C.D.	54
5	ALOÑA MENDI KE	50
6	AURRERA K.E.	45
7	ANTZUOLA K.E.	40
8	REAL UNION CLUB SAD	40
9	HERNANI C.D.	38
10	OSTADAR S.K.T.	37
11	BETI GAZTE K.J.K.E.	33
12	VASCONIA C.D.	32
13	HONDARRIBIA F.E	32
14	BERGARA K.E.	31
15	TOURING C.D.	30
16	ZARAUTZ K.E.	29
17	GETARIAKO KETA F.T.	21
18	LAGUN ONAK C.D.	19

kirolak.net