Bidasoa ez da Arandaren mailan egon

Garaipen argia lortu du etxeko taldeak

ESKUBALOIA

VILLA DE ARANDA 28-22 BIDASOA-IRUN

VILLA DE ARANDA: Pérez (12), Cabanas (2 goles), Esteban (1), Camino (2), Beltza (1), Dos Santos (6), Redondo, Doldán (5), Rasero (1), Sladic (3), Muñoz (4), Sánchez (1), Martínez, Moyano (2), Martínez Ramos, Amerigo (2)

BIDASOA-IRUN:  Zubiria (13), Ugarte, Díaz de Cerio (5), Aranburu (2), Mugika (1), Azkue (5), Álvarez, Crowley (4), D. Rincón, Aldunate (2), Otegi, Susperregi, Källman (3), Vidal.

MARKAGAILUA: 3-1, 6-2, 8-2, 10-6, 12-17, 14-8 (atsedenaldia); 15-10, 17-11, 19-13, 22-16, 26-18, 28-22.

EPAILEAK: Muro San José eta Rodríguez Murcia.

Aurkari zuzenen kontrako azken irteeretan bezala, atzo Bidasoa-Irunek ez zuen mailarik onena eman. Zeharo menderatu zuen Villa de Arandak Irungo taldea, eta garaipen garrantzitsua lortu zuen horrela Príncipe Felipe pabilioiean. Jaitsiera postuetatik irten da Jacobo Cuétararen taldea. Bolearen mutilak aldiz, amildegiaren ertzean gelditu dira. Matematikoki oraindik ez daude Ohorezko B Mailan, baina zortzi puntuko desabantaila dute, bost neurketa gelditzen direnean.

Hasieratik ihes egin zion atzo partidak Bidasoari. Makal irten ziren horiak kantxara, eta Villa de Arandak azakar hartu zuen abantaila. Lau minutu behar izan zituzten irundarrek lehen gola sartzeko (3-1). Erasoko eraginkortasun eskasak arazo izaten jarraitu zuen, eta ordu laurdena beteta 8-2ko aldea zeukan etxeko taldeak. Källman irten zen orduan pistara, eta 10-7ra hurbiltzea lortu zuen Bidasoak. Hala ere, lehenengo zatiko azken minutuetan nagusitasuna berreskuratu zuen Arandako taldeak, eta sei goleko tartea ireki zuen berriro atsedenaldirako.

Bigarren zatiaren hasiera hobea izan zen kanpokoentzat. Bi kontraeraso azkarrekin, Azkuek eta Källmanek aldea murriztu zuten. Ezusteko horien ondoren, Villa de Arandak defentsa doitu zuen berriro, eta Xavi Díaz atezaina ere fin ibili zen hortik aurrera. 40.minutuan 18-11koa irudikatzen zuen markagailuak, desabantaila ia gaindiezina Bidasoarentzat. Markel Beltzak eta Álvaro Cabanasek txartel gorria ikusi zuten, eta Arandak bi jokalari garrantzitsu galdu zituen azken minutuetarako. Hala ere, abantaila handitzen jarraitu zuen, 27.minutuan hamar golekoa izateraino.  Seira murriztu zuen bukaeran talde irundarrak, baina esku hutsik itzuli zen etxera. Asteazkenean Ademar León hartuko du Bidasoak Artalekun. Galduta, jaitsiera errealitate izan daiteke.

noticiasdegipuzkoa.com

SAILKAPENA

1	FC Barcelona	50
2	Naturhouse La Rioja	39
3	Fraikin BM Granollers	38
4	BM. Huesca	35
5	Reale Ademar León	28
6	Globalcaja C. Encantada	25
7	BM Guadalajara	23
8	Helvetia Anaitasuna	23
9	BM. Aragón	23
10	Juanfersa Grupo Fegar	20
11	Frigoríficos Morrazo Cangas	19
12	Fertiberia Puerto Sagunto	18
13	Villa de Aranda Top Ribera	17
14	Ángel Ximénez Puente Genil	17
15	Cuatro Rayas Valladolid	16
16	Bidasoa Irun	9

marca.com