Aurkari handiegia izan da Tabirako Erroibiderentzat

SASKIBALOIA
TABIRAKO BAQUÉ 87-60 ERROIBIDE-IRUN

ERROIBIDE-IRUN: Leticia Martinez (19), Saioa Altzaga (15), Maialen Ramirez, Blanca Maingon, Virginia Sanz (2), Estrella Gonzalez, Saray Arozena (8), Leire Oregi (11), Nerea Saenz de Buruaga (5).

Espero zitekeen porrota jaso zuen igandean Lehenengo Nazionaleko Erroibide-Irunek. Durangon galdu zuten neskek, Tabirako Baqué liderraren etxean. Lehenengo taldeko sei jokalarik besterik ez zuten jokatu, eta bigarreneko Blanca Maingón eta Virginia Sanz eraman behar izan zituen Ganix Mirón entrenatzaileak.

Partidaren hasieran besterik ez zuen eutsi Erroibidek. 10-9ko markagailutik aurrera, bizkaitarrek erritmo geldiezina hartu zuten. Atsedenaldirako neurketa erabakita zeukan Tabirakok (48-25). Azken bi laurdenetan irundarrek defentsan estutu eta maila hobea eman zuten. Hirugarrena irabaztea eta laugarrena berdintzea lortu zuten. Hala ere, Tabirakorentzat izan zen garaipena.

Igandean Bilboko Universidad Deusto Loiola Indautxu hartuko du Erroibidek. 12:00etan izango da neurketa, Artaleku kiroldegian. Hurrengoa ere etxean jokatuko dute irundarrek, Banco Mediolanum taldearen aurka.

basketbasko.com

SAILKAPENA

1	TABIRAKO BAQUE	43	+9
2	DONOSTI BASKET BERA BERA	41	+7
3	ATLETICO SN.SN.-TECNUN	40	+1
4	ZURT TABERNA ISB	39	+1
5	QUIRON LEIOA	38	+3
6	FUNDACION ARDOI	37	+3
7	GERNIKA KESB	36	-4
8	BURLADA	35	-1
9	UNIVERSIDAD DEUSTO LOIOLA INDAUTXU	33	+1
10	PORTUGALETE	31	-1
11	ERROIBIDE IRUN	30	-2
12	UPV/EHU ARABA ARASKI	28	+1
13	GETXO S.B.	28	+1
14	BANCO MEDIOLANUM	24	-6

feb.es