Garaipena
behar dute txuribeltzek arriskua atzean uzteko
FUTBOLA
Kanarietan hartutako bideari
jarraipena eman nahi dio Real Unionek. Etxetik kanpo ondo aritu dira
txuribeltzak azken jardunaldietan, baina Stadium Galen hiru partida galdu
dituzte segidan. Sergio Francisco lasai dago jokalarien lanarekin: “Taldea
lehiatzen ari da, eta igandean ehuneko ehuna emango du”, Hala ere, taldearen
egoera ez da erosoa, bost puntuko aldea baitu jaitsiera zuzenarekiko. “Garaipen
batek ikuspegia aldatuko luke” baieztatu zuen atzo entrenatzaileak.
Irundarrek ez dute aurkari
samurra izango. Toledo hartuko dute igandean, arratsaldeko bostetan. Joan den
urtean Real Unioneko entrenatzaile izan zen Imanol Idiakezek zuzentzen du
Toledo, eta Albistegi, Colinas, Toño Vázquez, Barranco eta Sorribas jokalari
txuribeltz ohiak ditu bere esanetara. Laugarren postuan dago Toledo, play
off-ean sartzeko lehia betean. Neurketa ona eginda ere, 1-0 galdu zuen Unionek El Salto del Caballon.
Sergio Franciscok Juan Domínguez berreskuratuko du biharko deialdirako, zigorra bete
ondoren.
Ezustekorik
ez Akziodunen Batzar Orokorrean
Atzo Ficoban ospatutako
Akziodunen Batzar Orokorrak ez zuen aldaketarik ekarri. Giro nahasian hasi zen,
klubeko langileek protestaldia egin zutelako, eta bilkura ia bi orduko
atzerapenarekin hasi zelako. Akzioen delegazioarekin izandako irregulartasunen
ondorio izan omen zen. Beranduago, Zuzendaritza Batzordearen, Jose Antonio
Zabala presidente ohiaren eta hainbat akziodunen arteko eztabaida beroak izan
ziren. Baina joan den urteko aurrekontua, eta aurtengoa, onartuak izan ziren.
Eta Ricardo Garciaren hautagaitzak, bakarra izanik, beste lau urtez kluba
gidatzeko babesa jaso zuen.
No hay comentarios:
Publicar un comentario