Hirugarren izan da Ama Guadalupekoa asteburuko bi estropadetan

Kaikurekin berdinduta dago Hondarribia sailkapeneko bigarren tokian

ARRAUNA

Galizian jokatu dituzte asteburuko bi estropadak, Sanxexon eta Bueun. San Miguel Ligako bigarren eta hirugarren jardunaldiko probak izan dira. Bietan hirugarren izan da Hondarribia Arraun Elkartea. Arraunean ondo aritu dira Orabañanosen mutilak, eta Bartzelonako estropada kontuan hartuta, erregulartasuna erakutsi dute. Baina oriangoan ere ez dira Orioren eta Urdaibairen mailara iristeko gai izan.

Estu dago egoera, hala ere, lehenengo hiru traineruen artean. Larunbatean Sanxenxon Urdaibak irabazi zuen bandera, sailkapeneko azken tokian egotearen ondorioz lehenengo txandan irten zen arren. Orio nagusi izan zen ohorezko txandan, baina ez zuen Bou Bizkaiaren denbora hobetu. Hondarribiak hamalau segundo galdu zituen Urdaibairekiko, eta zortzi inguru Oriorekiko.

Atzo Bueun, Oriok eta Urdaibaik postuak trukatu zituzten. Baina Ama Guadalupekoa hurbilago izan zuten. Bost segundo gehiago behar izan zituzten berdeek Orioko San Nicolas ontziak baino. Kaiku laugarren izan da asteburuko bi estropadetan, momentuz aurreko urteetan baino maila bat beherago dagoela agerian utziaz.

Gora doa Orioren abantaila

TKE San Miguel Ligako sailkapenean Orio da nagusi, 35 punturekin. Hirutik bi bandera irabazi ditu, konfiantza handia hartu du, eta abantaila erosoa dauka dagoeneko. Hondarribia bigarren tokian dago, 28 punturekin Kaikurekin berdinduta. Urdaibaik 95 puntu gutxiagorekin hasi zuen liga, eta azken tokian dago, baina -61 puntu ditu dagoeneko. Pedreñan eta Donostian izango dira estropadak hurrengo asteburuan.

SAILKAPEN OROKORRA:

1	ORIO BABYAUTO	35
2	HONDARRIBIA ORSA	28
3	KAIKU AMBILAMP	28
4	TIRÁN PEREIRA	22
5	SAN JUAN IBERDROLA	19
6	ZIERBENA BAHÍAS BIZKAIA	18
7	CABO	14
8	ASTILLERO	12
9	PORTUGALETE EULEN	12
10	SAN PEDRO ECOLMARE	9
11	PEDREÑA	2
12	URDAIBAI AVIA	-61