ATLETISMOA
Espainiako Lehenengo Mailako
Ligako bigarren jardunaldia ez da erabakigarria izan. Lehenengoan jakin zuten
Super Amara BATeko bi taldeek haien aukeren berri. Neskek Ohorezko Mailara
igotzea izango dute helburu. Mutilek, berriz, maila mantentzeko borrokatu
beharko dute. Baina hirugarren jardunaldian iritsiko da lehiarako momentua.
Ekainaren 28an jokatuko da.
Bigarrena prestaketa moduko
jardunaldia izan da. Neskek Valentzian izan zuten topaketa igandean, eta
bigarren gelditu ziren, etxeko taldearen atzetik. Bakarka, zazpi garaipen lortu
zituen BATek: Malen Ruiz de Azuak pertika jauzian, Clara Viñarasek 3000 metro
oztopoetan, Idoia Olasagastik 200 metroetan, Marina Elosegik 400 metroetan,
Miren Martinek 3000 metroetan eta baita 4x400 erreleboko taldeak ere (Pérez,
Errandonea, Sarriegi, Elosegi). Mutilek Hospitaleten izan zuten topaketa.
Laugarren izan ziren sailkapenean, eta Gen Abreurena izan zen garaipen bakarra,
400 metroetan.
No hay comentarios:
Publicar un comentario