Proiektuaren
zutabeetako bat galdu du Bidasoa-Irunek
ESKUBALOIA
Ander Ugartek ez du
Bidasoa-Irunen jokatuko hurrengo denboraldian. EHF Kopan parte hartuko duen BM
Huescaren eskaintzari baiezkoa ematea erabaki du. Pibote irundarra Artalekun
mantentzea lehentasuna zen klubarentzat, baina ez du helburua bete. CD Bidasoak
ez daki taldea hurrengo denboraldian Ohorezko B Mailan egongo den, edo Asobal
Ligan jokatzeko aukera izango duen. Eta zalantza hori jokalariak lotzeko
eragozpen handia da. Adrian Crowleyk ere Asobalen jokatu nahi du, eta zaila
izango da hegaleko jokalariarekin akordioa lortzea.
Victor Aldunatek bere azken
neurketa jokatu zuen larunbatean Artalekun. Gainera, Agustin Vidalek eta
Roberto Alvarezek ere jakinarazi dute ez dutela Bidasoan jarraituko. Hortaz,
aurten Asobal Ligan lehiatu den taldea desegiten ari da. Lana dauka aurretik
klubak hurrengo denboraldirako taldea osatzeko. Jon Azkue da, momentuz,
Bidasoan jarraituko duen jokalari bakarra. Gainontzeko jokalariekin
harremanetan dago kluba. Hala ere, zazpi-zortzi fitxaketa egitera behartuta
egongo da. Horretarako, taldeak zein mailatan jokatuko duen lehenbailehen
argitzea ezinbestekoa izango da.
CDBidasoa
No hay comentarios:
Publicar un comentario