FUTBOLA
Hiru jardunaldi gelditzen
dira Ohorezko Erregionaleko Liga bukatzeko. Hondarribia Futbol Elkartea sailkapeneko
hamahirugarren tokian dago, eta jaitsieraren arriskua gainean dauka oraindik.
Hamaseigarren tokian dagoen Vasconiak baino hiru puntu gehiago ditu. Hirutik bi
partida irabazita, jaitsiera ekidingo luke Hondarribiak. Baina ez du lan
samurra izango. Igandean bina egin zuen, maila galdu duen Getariakoren etxean.
Bi neurketa jokatuko dituzte
berdeek Hondartzan, eta bestea etxetik kanpo. Larunbatean Antzuola hartuko
dute, jokoan ezer ez daukan taldea. Aukera ona izango du Mikel Llorenteren
taldeak hiru puntu baliotsu eskuratzeko. Arratsaldeko 16:30etan hasiko da
norgehiagoka. Hurrengo partida Ondarroan jokatuko du Hondarribiak, Aurreraren
kontra. Eta azken jardunaldian, Vasconiak bisitatuko du Hondartza futbol
zelaia. Jaitsiera postuan dago orain Donostiako taldea.
Txuribeltzak
lasai
Real Union Bk lasaitasunez
bukatuko du liga. Jaitsiera postuak urrun utzi zituen aspaldi, eta denboraldia
ahalik eta hoberen bukatzea izango du helburu. Joan den larunbatean 0-1 irabazi
zuen Lasarte-Orian, Ostadarren kontra. Zortzigarren tokian dago filiala, eta
puntu bat gorago dauka Hernani. Hurrengo jardunaldietan Aretxabaletan jokatu, eta
Zarautz hartuko du Javi Garmendiaren taldeak. Errenterian bukatuko du liga,
Touringi bisita eginez.
Kiroletik
No hay comentarios:
Publicar un comentario