Carabanchelen
jokatuko du Sergio Franciscoren taldeak
FUTBOLA
Maila mantentzea lortu
ondoren, ligako azken partida jokatu beharko du Real Unionek, oporretara joan
aurretik. Madrilgo Carabanchel auzoko Antiguo Canódromo futbol zelaian ariko
dira bihar txuribeltzak, maila galdu duen Puerta Bonita taldearen kontra.
Bietako inor igoera faserako edo Koparako sailkatzeko lehian inplikatuta ez
dagoenez, neurketa eguerdian izango da, 12:15etan.
Joan den igandean helburua
beteta, aste lasaia izan du Unionek. Gutxiago entrenatu dute txuribeltzek, eta
entrenamenduetako intentsitateak behera egin du. “Tentsio eta erantzukizun
handiko asteak izan dira aurrekoak”, nabarmendu zuen atzo Sergio Franciscok
prentsaurrekoan. Entrenatzaileak onartu zuen hamaikakoan aldaketak egongo
direla. Ligan zehar aukera handirik izan ez duten jokalariek parte hartzeko
aukera izango dute.
No hay comentarios:
Publicar un comentario