Anaitasuna
hartuko du Bidasoa-Irunek azken jardunaldian
ESKUBALOIA
2013-2014 denboraldiko azken
partida jokatuko du bihar Bidasoa-Irunek, Artalekun (Igandea, 17:00etan). Momentuz behintzat, Asobal
Liga agurtuko dute Irungo taldeak, eta zale horiek. Asobaleko euskal derbia
izango da gainera biharkoa. Iruñeko Helvetia Anaitasuna hartuko du Bidasoak.
Irundarrek aspaldi galdu zuten maila, eta nafarrek ere ez dauakate ezer jokoan.
Sarrera doakoa izango dela erabaki du klubak, denboraldi amaierako festa
modukoa antolatzeko asmoz. Hala ere, Fernando Bolearen taldea agurra borobiltzen
ahaleginduko da, Anaitasunari partida irabazita.
Anaitasunaren aulkian Aitor
Etxaburu bidasoar ohia egongo da, azkeneko aldiz. Bere agurra ere izango da
Artalekuko partida. Antzeko zerbait gertatuko da irundarren aldean. Victor
“Tato” Aldunate nafarrak Bidasoa utziko duela jakinarazi du, eta bere azken
partida jokatuko du bihar. Bere talde ohia den Anaitasuna izango du, gainera,
aurrean. Lau urte egin ditu Zangotzako piboteak Irunen. Bere lehenengo
denboraldian amildegiaren ertzean izan zen Bidasoa, desagertzetik hurbil. Eta
aurten Asobal Ligan jokatzea lortu du Irungo taldearekin. Zikloa bukatutzat
eman du horrela Aldunatek.
Nafarrarena ez da agur
bakarra izango. Agustin Vidal argentinarrak ere ez du Bidasoa-Irunen jarraituko, gaur bertan sare sozialen bidez jakinarazi duenaren arabera. Gainontzeko jokalarien inguruan momentuz ez da berririk iritsi,
Jon Azkueren kontratu luzatzeaz gain. Baina litekeena da zaleek azkeneko aldiz ikustea
jokalarietako batzuk. Nahi duenak telebistaren bidez jarraitu ahal izango du
partida. Azpimarratzekoa da denboraldi osoan lehen aldiz hurbilduko direla
Teledeporteko kamerak Irungo kiroldegira. Baina sarrera doakoa izanda, goi
mailako eskubaloiaz gozatzeko, eta jokalariei egindako ahalegina aitortzeko
aukera aproposa izango dute zaleek. Bolearen jokalariek jasotako babesa eskertu,
eta zaleak garaipenarekin agurtzea izango dute helburu.
Kiroletik
No hay comentarios:
Publicar un comentario