Jokalariek
eta zaleek bat egin zuten atzo Stadium Galen
FUTBOLA
REAL
UNION 2-0 FUENLABRADA
REAL
UNION: Otermin, Piette, Azkoiti, Valín, Seguin (Sagastibeltza,
82’), Rodellar, Yeray, Hugo (Juan Domínguez, 76’), Eneko Romo (Abaroa, 70’),
Oscar Vega, Goikoetxea.
FUENLABRADA:
Vasilio,
Paya, Ruben, Alcañiz, Aguilar, Omar (Aguza, 60’), Carlitos, Guti (López, 82’),
Pachón, Borja (Cala, 75’), Molino.
GOLAK:
1-0:
Goikoetxea, 66’. 2-0: Abaroa, 90’.
EPAILEA:
Jaime
Ruiz Alvarez (Asturias).
Maila mantentzea ospatu zuen
atzo Real Unionek Stadium Galen. Gutxieneko helburua izan zitekeen udan, baina
denboraldiak aspaldi hartu zuen norbaidea kontuan hartuta, lasaitu handia hartu
zuten txuribeltzek. Kostata, jaitsieraren hondamendia ekidin zuen taldeak.
Garaipen landuarekin egin zuen gainera. Atlético de Madrid Bren porrotaren
ondoren, Fuenlabradari irabazita helburua betetzeko aukera zeukan talde
irundarrak. Play off-eko partidaren osagaiak zituen atzoko hitzorduak. Zaleen
erantzuna ere tamaina horretakoa izan zen. Aspaldian ez bezala bete ziren
Stadium Galeko harmailak, eta giro handia izan zen neurketa osoan zehar.
Momentu zailetan ere erantzuteko gai direla erakutsi zuten atzo Unioneko zaleek.
Berdegunean lasai samar hasi
zen partida. Fuenlabradak igoera faserako sailkatzea zeukan jokoan, eta ez zuen
arriskatu nahi izan. Tentsioa eta presioa nabaritu ziren hasieratik, joko
ikusgarria alboratuta gelditu zelarik. Lehia estua izan zuten taldeek lehenengo
zatian zehar. Atea hutsean mantentzea izan zen bien lehentasuna. Hala ere, Union
izan zen aurkariaren atera gehien hurbildu zena. 9.minutuan kontraeraso
bizkorra egin zuten txuribeltzek, baina Hugok ez zuen borobiltzen asmatu.
21.ean Yerayk gaizki errematatu zuen Vegaren erdiratzea. Eta 39.ean Seguinen
jaurtiketa atezainak hartu zuen. Fuenlabradak bi aukera oso argi izan zituen. Ordu
laurdena pasata, pase batek Oterminen aurrean utzi zuen Carlitos, baina
atezaina nagusitu zitzaion. Beranduago, Alcañizek burukada gogorra eman zion
baloiari. Atearen gainetik pasa zen gutxigatik.
Behin
eta berriro saiatzearen emaitza
Bigarren zatian, iparra
galdu gabe, abaguneak sortzen saiatzen jarraitu zuen Sergio Franciscoren
taldeak. Baloiaren jabetza eskuratu zuten txuribeltzek, eta hegaletatik
arriskua sortzen hasi ziren. Madrildarrek atea defendatzea eta kontraerasoan
ateratzea izan zuten helburu. 52.minutuan aukera ona izan zuen Unionek. Romok
eskuin aldera zabaldu zuen baloia intentzio onarekin, baina luze joan zitzaion
pasea eta Hugok ezin izan zuen atezaina baino lehenago iritsi. 65.ean, Stadium
Galek eztanda egin zuen Goikoetxearen golarekin. Eskuin aldetik ateratako
korner batean izan zen, eta debarrak buruz bidali zuen baloia sarera. Pozez
ospatu zuten gola txuribeltzek, baina denbora luzea zegoen aurretik. Lau minutu
beranduago, Carlitosek jaurtiketa arriskutsua
egin zuen zutoinaren albora. Eta zutoinean jo zuen Juan Domínguezen
lehen saiakerak ere, donostiarra zelaira irten bezain pronto.
Fuenlabradak aurrera pausoa
eman behar izan zuen, eta kontraerasoan Real Unionek bigarren gola sartu eta
partida erabaki zuen. Juan Domínguezek jokaldi ikusgarria egin zuen ezker
hegaletik. Arean sartu zenean, atzera egin zuen pasea, eta Abaroak ate barrura
bidali zuen baloia. Bigarren golarekin maila manentzea bermatu zuen Real
Unionek. Ondoren ospakizunetarako tartea izan zen Stadium Galen. Balorazioak
egiteko eta hausnartzeko denbora egongo da hemendik aurrera. Real Unionen etorkizuneko proiektu
bideragarria eraiki beharko du zuzendaritzak. Baina momentuz, jokalariek eta
teknikoek haien lana egin dute. Zailtasun handiak izan dituzte aurten bidean, baina
gutxienekoak betetzea lortu dute.
LABURPENA:
Irudiak: TxingudiOnline
No hay comentarios:
Publicar un comentario