Mendean izan du Amorebietak Real Union

Lehenengo zatian bideratu du garaipena Urritxeko taldeak

FUTBOLA

AMOREBIETA 3-1 REAL UNION

AMOREBIETA: Villanueva, Carro, Larreategi, Goikoetxea, Aitor Blanco, Xabi Sánchez (Ibai González, 68’), Salinas (Txema Pan, 79’), Miki Massana, Mikel Orbegozo, Casares (Arman, 75’), Teo Tirado.
REAL UNION: Otermin, Piette, Sagasatibeltza, Valín, Azkoiti, González, Saizar (Sánchez, 72’), Romo (Abaroa, 65’), Goikoetxea, Domínguez (Rodríguez, 57’), Vega.
GOLAK: 1-0: Casares, 17’. 2-0: Aitor Blanco, 23’: 3-0: Salinas, 45’: 3-1: Hugo Rodríguez, 82’.
EPAILEA: Pablo Brea Peón (Galizia).

Bere egoera larritu du Real Unionek Amorebietatik esku hutsik itzuli ondoren. Desitxuratuta irten zen atzo talde txuribeltza Urritxe futbol zelaitik. Lehenengo zati txarra egin eta aukerarik gabe gelditu zen atsedenaldirako. Irteera zalantzatiaren ondoren, etxekoek hartu zuten partidaren gidaritza. 20.minuturako 2-0 irabazten ari zen Amorebieta, Casaresen eta Aitor Blancoren golei esker. Zeharo gaindituta ikusi zuen bere burua Unionek, eta ez zuen aldea murrizteko aukera garbirik izan. Eneko Romoren burukada izan zen saiakera ahul bakarra. Epaileak aldageletarako bidea erakutsi aurretik, Iñaki Lenizen taldeak neurketa erabaki zuen. Salinasek bukatu zuen Casaresen jokaldi bikaina, hirugarren gola sartuz. 

Itxaropen handirik gabe irten zen Real Union bigarren zatian. Amorebietak nagusi izaten jarraitu zuen, 60.minututik aurrera erritmoa lasaitu zuen arte. Sergio Francisco entrenatzaileak Hugo Rodríguez eta Abaroa sartu zituen berdegunean, eta txuribeltzek erasora jo zuten. Piettek izan zuen lehenengo aukera, baina kanpora joan zitzaion jaurtiketa. 82.minutuan iritsi zen azkenean irundarren gol bakarra. Hugo Rodríguezek egin zuen, gurutzatutako jaurtiketa batekin. Hala ere, txuribeltzek ez zeukaten ospakizunerako arrazoirik. Porrot garbia izan zen atzokoa, eta atzera pausoa eman du berriro Real Unionek. Etorkizun iluna dauka Stadium Galeko taldeak. Atletico Brekin eta Getafe Brekin promozio postuan berdinduta jarraitzen dute irundarrek. Baina urdinek gaur eguerdian jokatuko dute Cuencan.

diariovasco.com

SAILKAPENA

1	Sestao River Club	65
2	UD Las Palmas Atlético	64
3	CD Leganés	63
4	Athletic Club B	62
5	CD Toledo	60
6	SD Huesca	59
7	CF Fuenlabrada	58
8	Barakaldo CF	56
9	SD Amorebieta	54
10	Real Madrid CF C	52
11	Real Sociedad de Fútbol B	50
12	UB Conquense	50
13	CD Tudelano	45
14	Club Atlético de Madrid B	41
15	Real Unión Club	41
16	Getafe CF B	41
17	CD Laudio FSR	37
18	CD Puerta Bonita	33
19	CD Sariñena	19
20	Peña Sport FC	19

futbolme.com