Iriarte galdu eta Vidal fitxatu du Bidasoak

Lehenengo lerroa indartuko du argentinarrak

ESKUBALOIA

Aurreikuspen okerrenak konfirmatu zituen atzo Ander Iriarteri egindako probak. Lotailu-haustura dauka eibartarrak belaunean eta sei hilabete egin beharko ditu kantxatik kanpo. Larunbateko partidako bigarren zatian egin zuen lesioa jokalari gazteak. Iraupen luzeko hirugarren lesioa da Bidasoarentzat denboraldia hasi besterik egin ez denean. Crowley eta Alvarez laster izango dira  taldearekin entrenatzen, baina Ander Iriarte denboraldi osorako galduko du talde irundarrak.

Lehenengo lerroa ahul gelditu da horrela, baina gaur bertan eman dio irtenbidea klubak. Juan Agustin Vidal argentinarra fitxatu du. 26 urteko jokalaria da. 1’93 metro da luze eta eskuina da. Bi lateraletan joka dezake hala ere. Argentinako selekzioaren deialdietan sartu izan da. Cuencako Ciudad Encantada taldean jokatu du azken denboraldian. Lehenago, Fernando Bolearen aginduetara aritu zen Guadalajaran. Azterketa medikoa pasako du ostiralean eta ondoren, Bidasoako jokalari izango da argentinarra.

AGUSTIN VIDAL (balonmanoconfidencial.blogspot.com)