Alcoraz
futbol zelaian ariko dira txuribeltzak igandean (17:00)
FUTBOLA
Behartuta ekingo dio
S.D.Huescak igandeko partidari. Bigarren Mailatik jaitsi berri den taldea da
aragoarra, eta lehenbailehen bueltatzeko moduko taldea osatu du gainera. Hala
ere, ez da ondo hasi eta emaitza txarrak izan ditu aurreneko jardunaldietan.
Jaitsierako promozio postuan dago Huesca, lau punturekin. Alcorazeko zaleek
gehiago eskatzen diote Pablo Alfaroren taldeari eta irabazten ikusi nahi dute.
Presio egoera horrek mesede egin diezaioke Sergio Franciscoren Real Unioni.
Kontrako joera darama talde
txuribeltzak. Espero baino hobeto ekin dio denboraldiari. Bederatzi puntu pilatu
ditu dagoeneko eta hirugarren dago sailkapen nagusian. Bere lanean eta taldean
konfiantza osoa du Sergio Franciscok, baina lasai dago. Partidaz partida joan nahi
du, ahalik eta puntu gehien pilatzeko asmoz. Goikoetxea eta Salgado kenduta,
tale osoa izango du bere esanetara Huescaco partidarako. Bosgarren jardunaldiko
partida izango da, ondorioak ateratzen hasteko momentu aproposa.
Juan Domínguez eta Mikel Rico. 2009-2010eko Real Union-Huesca partida.
(elmundo.es)
No hay comentarios:
Publicar un comentario