Alde handiko partida izan da Stadium Galen

FUTBOLA
REAL UNION 1-7 REAL SOCIEDAD

REAL UNION : Otermin, Piette, Sagastibeltza, Valin, Azkoiti, Rodellar, Gabilondo, Eneko Romo, Goikoetxea, Dominguez eta Balerdi. Bigarren zatian jokatu zuten: Santamaria, Morcillo, Vizcaino, Luis Rodriguez, Urbieta, Ander Sanchez, Endika Etxeberria, Luis Ceberio, Kevin, Rodrigo.

REAL SOCIEDAD: Royo, Zaldua, Ansotegi, Inigo Martinez, De la Bella, Markel Bergara, Ros, Sangalli, Zurutuza, Griezmann eta Agirretxe. Bigarren zatian jokatu zuten: Elustondo, Seferovic, Prieto, Vela, Pardo, Chory Castro, Cadamuro, Jose Angel, Etxabeguren.

Golak: 1-0: Valín, min.19. 1-1: Ansotegi, min.31. 1-2: Agirretxe, min.41. 1-3: Griezmann, min.58. 1-4: Seferovic, min.70. 1-5: Seferovic, min.72. 1-6: Seferovic (pen., min.80). 1-7, min-89: Seferovic.
Epailea: Azpilikueta.

Gol sorta gutxienekoa izan zen Real Unionen aurredenboraldiko lehenengo partidan. Lehenengo taldean arituko diren jokalariak zelairatu zituen hasieran Sergio Franciscok, eta lehenengo zati duina egin zuten. Gogoratu behar da bi asteko aldea zuela Realak entrenamenduei dagokienean. Valinek estreinatu zuen marlagailua txuribeltzentzat, baina Ansotegik eta Agirretxek azkar irauli zuten, buruz egindako golei esker. Jokoa baino aukera gehiago izan ziren atsedenaldiaren aurretik.

Aldagelatik bueltan goitik behera aldatu zuen taldea Sergio Franciscok. Piette utzi zuen eskuin lateralean eta harrobiko jokalariak zelairatu zituen hamaikakoa osatzeko. Oraindik jubenil mailan dauden jokalariak zeuden horien artean. Lehenengo minutuetan txuri-urdinei eutsi zieten. Hala ere, denborarekin maila ezberdintasuna agerian gelditu zen eta Seferovic aurrelaria sartzearekin batera partida hautsi zuen Realak. Albiste okerrena Samuel Piette berak utzi zuen. Orakatila bihurritu zuen eta bi aste beharko ditu osatzeko.

Aldarrikapena eta omenaldia

Bi taldeak Euskal Selekzioaren ofizialtasunaren aldeko pankartarekin irten ziren zelaira. Ondoren, Iker Gabarainek klubaren eta zaleen omenaldia jaso zuen. Zortzi denboraldi egin ditu tolosarrak Irunen, eta atzo ohorezko sakea egin zuen.

Fernando Lozano