FUTBOLA
Eguraldiarengatik atzeratutako
partida jokatu zuen Hondarribia Futbol Elkarteak ostiralean. 0-3 galdu zuen
Aloña Mendiren aurka eta sailkapeneko seigarren postuan bukatu du horrela liga.
Beriori aurrea hartu eta bosgarren gelditzeko aukera zuten berdeek, baina pozik
egoteko moduko denboraldia osatu dute hala ere. Lehenengo postuetako lehian izan
ziren hondarribiarrak lehenengo jardunaldietan, beheraldi txiki bat jasan zuten
ondoren eta indartsu bukatu dute lehiaketa. Denboraldian zehar zaleengandik
jaso duten babesa eskertu zuten ostiraleko partidaren amaieran.
Real Union Bk ere ezin izan du
denboraldia borobildu. Play off-a jokatzeko aukerarekin iritsi zen azken
jardunaldira, baina irabaztera behartuta zegoen eta Hernaniren emaitzaren zain
egon beharko zuen gainera. Bana berdindu zuten txuribeltzek Zarautzen eta saririk
gabe gelditu ziren horrela. Oiartzun izan da zuzenean Hirugarren Mailara igo
den taldea eta Hernanik play off-a jokatuko du. Real Union B hirugarren postuan
gelditu da eta hurrengo denboraldian saiatu beharko du berriro. Talde gaztea du filialak eta etorkizun oparoa izan dezake.
diariovasco.com
No hay comentarios:
Publicar un comentario