FUTBOLA
TUDELANO 2-1 REAL UNION
TUDELANO: Zaparaín, Lumbreras, Jonathan, Lalaguna, Azpilicueta,
Adrián Terré (Damián 65’), Esparza, Nandi, Óscar Reche, Álex Sánchez (Marcos
Martín 57’) eta Jordi Martí (Pérez Rubio 74’).
REAL UNION: Villanueva, Kijera, Andriu (Balerdi 75’)
Valín, Piette, Moscardó, Albistegi ,
Chupe, Juan Domínguez, Angulo (Infante 55’) eta Lambarri.
Errege Koparako sailkatzea ere ez
du lortu Real Unionek. Tuteran berdintzearekin nahikoa zuten txuribeltzek baina
partida kaskarra jokatu eta esku hutsik itzuli ziren atzo erriberatik. Tudelano
nagusi izan zen partida osoan zehar eta lehenengo ordu erdia pasata hartu zuen
aurrea markagailuan. Azpilicuetak sartu zuen nafarren lehenengo gola. Abantaila
handitzeko aukera ere izan zuten etxekoek lehenengo zatian, baina bat eta
hutsekoarekin iritsi zen atsedenaldia.
Bigarren zatiaren hasiera izan
zen partidako gakoa. Tudelano askoz hobeto irten zen zelaira, arrisku handia sortzen
hasi zen eta bost minutu pasata bigarrena sartu zuen Jordi Martíri esker. Real
Unionek ezinean jarraitu zuen, hogei minuturen faltan aurrera pauso nabarmena
eman zuen arte. Lambarrik eta Balerdik abagune onak izan zituzten eta azkenean
Juan Domínguezek lortu zuen aldea murriztea, bost minuturen faltan.
Berdinketaren bila ahalegindu ziren irundarrak baina etxekoak sendo aritu ziren
defentsan eta hiru puntuak eskuratu zituzten, Errege Koparako sailkatzea
lortuz. Unionek amaiera mingotsa eman dio denboraldiari eta hurrengoa prestatzen
hasi beharko du lehenbailehen.
diariovasco.com
No hay comentarios:
Publicar un comentario